جبر الخواطر
جبر الخواطر
اللهم اجبر خواطرنا جبرآ يتعجب منه اهل السماء والأرض
كنت بمطعم مبارح في زلمة مسكين صار يحكي للشيف الي واقف على الشاورما ممكن تعطيني سندويشة من الزيادة وصوته مكسور ومقهور الا الشيف بحكيلو ليش سندويشة من الزيادة بنفع اعملك 2 او 3 جداد؟
الزلمة خجل .. الشيف عمله كم ساندويشة وحطهم بكيس وعباله علبة بطاطا ومخلل وبيبسي وحكاله صحة وعافية وابتسمله !
– يمكن اه الزلمة جوعان وتعبان وخجله ما خلاه يطلب وجبة من الاول مثلاً، فكر انو ساندويشة بدل ما يكبوها ياكلها وبكون ما احرج حد وخلص ، بس الزلمة ابتسم و عينه دمعت من رد الفعل وجبر الخاطر أكتر من انو راح ياكل ويشبع !
– تذكرت الإمام الليث بن سعد لما امرأة فقيرة طلبت منو جرة من العسل اعطاها برميل عسل غلامه استغرب و سأله لِما فعلت هذا يا إمام !
فرد عليه وقال سألت على قدرها و أعطيناها على قدرنا :”)
– أنا ممكن أنسى ألف كلمة حلوة حكيتلي ياها ، بس عمري ما راح انسى مرة جبرت فيها خاطري ولو حتى بكلمة !
من سار بين الناس جابراً للخواطر ، أدركه الله في جوف المخاطر ❤
– جبر الخواطر احلى صدقة .. يمكن تكون سبب في فرحة حد مبتلي أو تكون كفارة الك يوم القيامة.
منقول وتستحق النشر
