كيكة القهوه المميزه مغطاه بكريمة النسكافيه لمحبي القهوه بطعم لذييييذ

المقادير

• 2 كوب طحين
• م.ك.بكنج باودر
• ربع .م.ص.كربونات الصوديم
• كوب ونص سكر
• 4 حبات بيض + رشة ملح
• م.ك.فانيلا + م.ك. خل
• م.ك.نسكافيه
• كوب حليب دافئ
• كوب الا ربع زيت ذره
• لكريمة القهوه :
• 5 حبات جبنه
• ظرف كريما
• نص كوب حليب بارد
• م.ك.نسكافيه
• ظرف نسكافيه 3 ان 1
• م.ص.فانيلا
• 2 م.ك.سكر

الخطوات

السلام عليكم ويسعد اوقاتكم بالخير

اليوم بقدملكم وصفه لكيكة القهوه وطعمها روووعه وبالاخص لمحبي القهوه بقدمها مع كريمة النسكافيه جربوها واكيد راح تعجبكم

يلااااا نشوف الطريقه …..

& اولا بنشعل الفرن عالدرجة حراره 180 وبنجهز قالب او صينية الكيك بندهنها بزيت ورشة طحين

& بنضع البيض (البيض بدرجة حرارة المطبخ )مع الفانيلا والخل وبنخفقهم لحتى يفتح لون البيض بنضع السكر وبنخفقه لحتى يذوب وبنبلش باضافة الزيت عالشكل خيط خلال ما احنا بنخلط ومن ثم بذوب النسكافيه مع الحليب وببلش بالتناوب اضيف الحليب والمواد الجافه ( الطحين وكربونات الصوديم والبكنج ورشة الملح) بنخلهم قبل اضافتهم،، ( انا اضفت معلقة نسكافيه صغيره بدون تذويب بالحليب حبيت اعزز النكهه هالخطوه اختياريه حسب ما بتحبو قوة النكهه) بس يختفي الطحين بوقف خفق وبضع الخليط بالصينيه وبدخلها الفرن المحمى مسبقا عالدرجة حراره 180 عالرف الوسط تقريبا من 35 -40 دقيقه بتحتاج او حسب حرارة الفرن

اخذت معي 40 دقيقه وكالعاده بنختبر استواءها بعود خشبي وما بتحتاج لتحمير

& بعد ما يستوي بنتركه يرتااح لحين وقت التقديم

ملاحظه وخطوه اختياريه :

وهي تسقية الكيكه بكوب ماء مذوب فيه معلقة نسكافيه ومعلقتين سكر بعد ما ترتاح الكيكه بعشر دقائق بنسقيها وبنغطيها وبنتركها تتشرب لوقت التقديم وممكن الاستغناء عن هالخطوه بس هي بتعطي الكيكه ترطيب …

& لعمل كريمة القهوه بنخفق الجبنه مع شوي من الحليب لحتى تصير كريميه بنضيف الكريما والفانيلا والسكر وبخفقهم مزبوط بذوب النسكافيه بمعلقتين من الحليب وبضيفهم للكريما وبضع كمية الحليب المتبقيه ( كمية الحليب المستخدمه كامله نص كوب لا اكثر بناخذ منه لخفق الجبنه ولتذويب النسكافيه ولازم يكون بارد ) وبخفقهم مزبوط لحتى تشد معي الكريما بدخلها الثلاجه لحين وقت التقديم

وقت التقديم بضع الكريمه عالكيكه وبزينها برشه من النسكافيه وصحه وعافيه بنحفظ الكيكه بالثلاجه عشان عليها كريما …تقدم مع كوب من النسكافيه عشان النكهه تكمل والطعم لاااا يوصف لااازم تجربوها وتحكمو بانفسكم

وان شاء الله بتعجبكم…

دمتم بكل الخير