مخللاتي الكبيس
مخللاتي الكبيس
كيفكم أحبابي اليوم حبيت اشاركم بطريقة مختلفة شوي ومميزة وطعمها رهيب جداً
وان شاء الله تنال اعجابكم بعد ما تجربوها بسم الله نبدأ
المقادير
- ملفوف ابيض مفروم طولي كمية صغيرة
- فليفلة ملونة مفرومة طولي
- بصلة مفرومة جوانح
- ثوم مفروم طولي الكمية حسب الرغبة
- بندورة حبتين فروم طولي
- خيار 4حبات شرحات دائرية
- جزر مقشر مفروم طولي ناعم
- ضمة بقدونس مفروم
الخطوات
اول شي بنكون حضرنا المي للكبيس وهي عبارة عن كل كوب مي كبير بدو معلقه كبيرة ملح خشن بحري
بنحطهم عالغاز ليغلو وبنضيف الهم ورقتين غار
وبعدها بغسل مرطبان التخليل بالخل من الداخل وبصفي من بقايا الخل
وبعدين بعد ما يصفي بنبلش نظيف الخضار المفرومة بالطريقة يلي بنحبها وبعد منحط الخضار بنضيف معلقة كبيرة سكر عالوجه وبتكون المي غليت معنا وممكن يطلع مع الغلي رغوة بيضا بنشيلها وبنسكب المي وهي ساخنة فوق الخضار مع ورقة الغار بنخليها عالوجه المهم تكون المي غامرة الخضار وبعدها بنسكر عليها منيح ازا كان مرتبان ضغط بكون منيح وازا مرتبان عادي بفضل وضع قصديرة او كيس تفريز عالوجه ونسكرو بإحكام لمدة 10ايام وبعدها بكون جاهز
ممكن إضافة معلقه خل للكبيس بس انا ما ضفت لأنو ريحه المرطبان فيها خل
وبتقدم مع مجدرة او مقبلات او اي شي بتفضلو انتو
والف صحه وعافيه عليكم
استودعتكم الله
