بسبوسة الشكولاته مع صوص الشكولاته
بسبوسة الشكولاته مع صوص الشكولاته
المقادير
- كوب ونص سميد خشن او وسط
- نص كوب جوز هند
- 3 م.ك. كاكاو خام
- م.ك.نسكافيه
- نص كوب حليب سائل
- 3 حبات بيض
- علبة قشطه او 2 باكيت
- نص كوب سكر
- نص كوب زيت ذره
- م.ك.بكنج باودر
- م.ك.فانيلا
- م.ص. خل
- رشة ملح
- لتسقية البسبوسه :
- 2 كوب سكر
- 2 كوب ماء
- م.ك.نسكافيه
- لصوص الشكولاته :
- نص كوب حليب سائل
- نص كوب كاكاو
- نص كوب سكر
- نص كوب زيت ذره
الخطوات
السلام عليكم ويسعد أوقاتكم بكل خير راح ابلش معكم سلسة البسبوسه لانه الها طرق ونكهات كثير ان شاء الله تنال اعجابكم
وصفة اليوم بسبوسة الشكولاته (1) وبطعم رااائع ومميز
ان شاء الله بتجربوها وبتعجبكم
يلاااااا نشووف الطريقه ….
& اول شي بعمل تسقية البسبوسه عشان تبرد قبل ما تجهز البسبوسه ..بنضع الماء والسكر والنسكافيه بنخلطهم سوا وبنضعهم عالنار وسط لحتى يغلي لمدة 8 دقائق وبنتركها تبرد بدرجة حرارة المطبخ
& للبسبوسه : بنضع البيض( بدرجة حرارة المطبخ) والفانيلا والخل والملح وبخلطهم سوا ثم بضيف السكر والزيت والحليب وبخلطهم لحتى يذوب السكر
ثم بضيف السميد وجوز الهند والكاكاو والنسكافيه
والبكنج باودر وبخلطهم سوا وبضعهم بصينيه وسط مدهونه بسمنه ،،او زيت ورشة طحين،، وبدخلها عالفرن محمى مسبقا عالدرجة حراره 180 ..لمدة نص ساعه تقريبا
بختبر الاستواء بعود خشبي وبتركها ترتاح لخمس دقائق وبسقيها بالقطر وهي ساخنه والقطر بارد ( بدرجة حرارة المطبخ )وبتركها تتشرب القطر لحتى يجهز معي صوص الشكولاته
& لصوص الشكولاته : عالخلاط الكهربا بنضع الحليب والسكر والكاكاو وبنخلطهم سوا وبنبلش باضافة الزيت تدريجيا لحتى يثقل معي الصوص (اضافة الزيت حسب ما بتفضلو ثقل الصوص كل ما ضفنا زيت كل ما ثقل الصوص )
بنضع الصوص عالبسبوسه وبنغطيها لحين وقت التقديم وممكن وضعها بالثلاجه لحتى تبرد اذا بتفضلو عشان الصوص شوي يجمد واحسن للتقطيع والتقديم
وصحه وعافيه مقدما ان شاء الله بتعجبكم طعمهاااا رهييييب …يفضل حفظها بالثلاجه وممكن تزينها بجوز الهند عند التقديم بس الصوص مكفي وموفي هههه
دمتم بكل الخير
