فطائر مالحة
فطائر مالحة
المقادير
- للعجينة :
- نصف كيلو دقيق
- 100غ زبدة
- نصف ملعقة صغيرة ملح
- ملعقتين صغيرتين خميرة طرية أو ملعقة صغيرة خميرة جافة
- رشة سكر
- بودرة ثوم
- حليب دافئ للعجن
- الحشوة حسب الرغبة :
- جبن مبشور
- مورتديلا مبشورة
- علبة كبيرة طون معلب
- نصف بصلة مقطعة رقيق
- زيتون أسود مقطع
- بقدنوس مقطع
- فلفل أسود
الخطوات
نذوب الخميرة في القليل من الحليب و السكر و نضيفها على الدقيق و باقي المكونات و نكمل العجن بالحليب الدافئ الى ان نحصل على عجينة رطبة ندلكها و نخليها ترتاح 15 دقيقة.
نبسط العجين و نحشيها حسب الرغبة:
على مستطيل من العجين نحط مورتديلا و جبن مبشور ثم نغطي بالنصف الثاني و نغلق الأطراف جيدا، نذهن المستطيل بخليط بيضة + حليب و ملح و فلفل أسود نزين بالسمسم ثم نخليه يرتاح 20 دقيقة و ندخله للفرن،بعدما يخرج و يبرد قليلا نقطعه قطع متوسطة.
بالنسبة للرولي:
نبسط العجينة مستطيل و نذهن بالكيتشوپ و نحط شرائح الجبن و نضيف خليط الطون مع الزيتون و البصل و البقدنوس و نلف المستطيل و نغلقه جيدا من اخر طرف، نلف الرولي ببلاستيك و نحطه في المجمد 30دقيقة، ليسهل تقطيعه أنا تجازوت هذه المرحلة لأني حضرتهم في آخر لحظة لكن دايما أجمدهم يكون شكلهم أفضل، نقطع قطع و نخليها ترتاح و ندخلها للفرن (ممكن تذهنوهم أيضا بخليط البيض أنا ما ذهنتهم).
