كيك ساده بنكهة الليمون ملكة الكيك
كيك ساده بنكهة الليمون ملكة الكيك
المقادير
- ٤ بيضات
- ٢ ملعقه كبيره فانيلا
- كوب وربع سكر
- ثلاث ارباع كوب زيت
- برش ليمونتين
- وعصير ليمونه وحده
- كوب حليب دافي
- ٣ ملاعق صغيره باكنج باودر
- ملعقه خل
- ربع ملعقه باكنج صودا او ( كربونه ) اختياري
- ٢ كوب طحين منخول
الخطوات
اول مرحله بنعملها بنحضر القالب الي راح تخبز فيه بندهنو بالزبده وربنرشو بالطحين وبنتركو على جنب لنجهز الخليط هلاء تاني شي بنخفق البيض مع السكر والفانيلا ورشة الملح منيح منيح لمده ٥ دقايق لحتى يصير لونو فاتح بعدين بنضيف الزيت وبنخفق جيدا وبعدين بنضيف برش الليمون وعصير الليمون والحليب وبنخفقهم واخر شي بنضيف الطحين المخلوط فيه الباكنج باودر والكربونه وبنحرهم بالملعقه من فوق لتحت وما نبالغ بالتحريك لحتى تضل الخليط محتفظ بالهوى جواها واخر شي بنحط ملعقه الخل وبنحركها لتختفي وبندير الخليط بالقالب وبنحطو بالفرن الحامي لمده ٤٠ دقيقه على حرارة ١٨٠ درجه
***واهم خطوه بنجاح الكيك ما تفتحي على الكيكه لمده نص ساعه
بعدين بتختبريها بسكينه لتعرفي انها استوت
*** بس تستوي حاولي خليها بالفرن وافتحي باب الفرن عليها لحتى ماتتعرض للهوى البارد وتهبط معك
بعدين اقلبيها وزينها باي شي بتحبيه انا بحبها ساده مع كاسة شاي
*** وصحتين والف عافيه جميعا
