كيكة خفيفة ولذيذة ملكة الكيك
كيكة خفيفة ولذيذة ملكة الكيك
المقادير
- ٢ بيض بحرارة الغرفة
- ١ م ص سكر الفانيلا أو ممكن فانيلا سائله
- ١ ك سكر
- ١/٢ ك زيت
- ١ ك حليب
- ٢ ك دقيق
- ١ م ص بيكنج باودر
- رشة ملح
- للزينة
- كريم شانتي
- باكيت جيلي فراولة
- م ك نشا
الخطوات
بسم الله الرحمن الرحيم
اشتقتلكم كتير ورجعتلكم بهاي الكيكة كتييير سهلة ولذيذة
اولا نخفق البيض والفانيليا وبعدين بننزل بالسكر بالتدريج لغاية ماتنتهي الكمية وبننزل بالزيت وبنستمر بالخفق ليتغير لون الخليط للون الفاتح وبعدين بننزل بالحليب واحنا بنضرب لحتي يذوب كل السكر
بنجهز الدقيق والباودر ورشة الملح وبننخلهم وبعدين بننزل فيهم علي الخليط السائل بالتدريج انا كمان بحب ارش جوز هند مع خليط الكيك بتطلع ازكي
بنجهز صينية مدهونة بالزيت ومعفرة بالطحين وبننزل بخليط الكيك وبنضرب الصينية كم ضربة برخامة المطبخ لحتي تطلع فقاعات الهوا
وبندخل الصينية لفرن محمي مسبقا بدها نص ساعة وبتكون جاهزة أو نختبر استواءها بعود خشبي
بس بردت قسمتها قسمين وحشيتها بكريم شانتي وكمان من الخارج لفيتها بكريمة
ولتجهيز الجلي ذوبت باكيت الجيلي بكوب ماء مغلي وذوبت معلقة النشا بشوية مي ونزلت فيهم علي الجيلي وعلي الغاز مع التحريك لحتي يغلي بتركه يبرد وبنزل فيه علي الكيكة وبنحط الكيكة بالتلاجة من ساعة لساعتين وصحة وهنا عقلبكم
بعتذر لأنه ماقبل ينزل اكتر من صورة
بتمني تجربوها وبتمني تضيفوها للمفضلة
بحبكم كتييييييييييييييير