كيكة هيلو كاتي ملكة الكيك
كيكة هيلو كاتي ملكة الكيك
المقادير
- مقادير الكيك:
- 6 بيض
- كاسة زيت قلي كبيرة
- كاسة سكر
- كاسة صغيرة حليب بودرة
- كاسة الا ربع ماء
- 3 ملاعق صغار بكنج باودر
- 2ملعقة صغيرة فانيلا 3 الا ربع كاسة طحين
- مقادير عجينة المارشميلو 2وربع كوب مارشميلو ابيض 2ملعقة كبيرة ماء 2ملعقة كبيرة زبدة لدهن الصحن 3كاسات كبار سكر بودرة
- مقادير الكريمة 8مغلفات كريمة دريم ويب نص ليتر حليب بارد 2علبة قشطة
الخطوات
اولا…. نخلط جميع المقادير معاََ بدون البكنج باودر والطحين ثم بعد الخفق الحيد للمواد نضيف الطحين المنخول بالتدريج ثم يخفق جيداً ثم يضاف البكنج باودر باخر مرحلة ويسكب في صينية مستطيلة الشكل مدهونة بالزبدة والطحين او ورق الزبدة ويوضع بالفرن على حرارة 140°
ويخبز لمدة 45دقيقة
ثانياً…..
تحضير الكريمة نخفق جميع المقادير معاََ لمدة ربع ساعه حتى نحصل على كريمة كثيفة ثم نضعها في الثلاجه
ثالثاً…..
تحضير عجينة المارشميلو
ندهن صحن عميق بالزبدة ثم نضع المارشميلو فيه مع الماءويوضع في المايكرويف ل20ثانية او على حمام مائي حتى يذوب المارشميلو
بعد الذوبان نضيف السكر المطحون بالتدريج مع التحريك المستمر ثم نفردها على رخامه مدهونة بالزبدة ونعجنها بايدينا ونحن نضيف السكر بالتدريج حتى تتشكل معنا وتصبح عجينة متماسكة طرية ولا تلتصق باليد ونغلفها بالنايلون جيداً حتى لا تنشف لوقت الاستخدام
رابعاً…..
الكيكة صارت جاهزة انا كنت راسمة الشكل على ورقة وقصيتها وبعدين حطيت الصورة على الكيكة وحددتها بالسكين لاحصل على الشكل يلي بدي اياوفيكي تقصيها من الوسط بس انا ما قصيتها وبعدين سقيتها القطر البارد وتركتها شي خمس دقايق لحتى تشربت القطر تقريباً كاسة شاي من القطر يلي سقيت الكيكة فيها وبعدين جبت الكريمة وبلشت اوزعها على الكيكة من كل الجهات لحتى انغمرت معي الكيكة بالكريمة
اجيت لمرحلة العجينة جبت زبدة دهنت الرخامة كمية قليلة وحطيت عجينة المارشميلو عليها واخذت منها كمية قليلة للشبرة والانف وبلشت ارقها على شكل مستطيل وحطيتها فوق الكريمة وثبتتها من كل الجهات والكمية القليلة يلي اخدتها اخدت منها جزء صغير لونتو بملون الطعام الاصفر ليكون انف والجزء الباقي لونتو بالاحمر ليكون شبرا وعملت شكلها وثبتتها تحت الاذن والانف بمكانو والعيون والشارب كانو من السوس
ابني حب يضيف على داير الكيكة بسكوت للاطفال حسيت انو زادو بهجه اكتر
وان شاء الله تكون عجبتكم وسهلة عليكم وكل الشكر لاولادي على مساعدتهم فيها
استودعتكم الله ❤️ ♥️ ❤️ ♥️
