كيكة اعياد الميلاد ملكة الكيك
كيكة اعياد الميلاد ملكة الكيك
المقادير
- ٥ بيض بحرارة الغرفة
- ١,٥ ك سكر
- ٣ ظرف سكر فانيليا اوممكن م ك سائلة
- ١ ك حليب سائل
- ١/٢ ك زيت نباتي
- ٤ م ك كاكاو
- ٢,٥ ك دقيق
- ١ م ك نشا
- ٣ ظرف بيكنج باودر
- للزينة كريم شانتي
- فول سوداني مجروش مع جوز هند
- شوكولاته مذوبة بحمام مائي
الخطوات
بسم الله الرحمن الرحيم
بالبداية بضرب البيض مع الفانيلا لغاية مايتضاعف البيض وبيتحول للون الابيض ببلش اضيف السكر بالتدريج مع الخفق المستمر وبس تنتهي كل الكمية بضيف الزيت بالتدريج لتخلص الكمية ببلش اضيف كاسة الحليب كمان بالتدريج
وبأثناء الخفق بجهز كل المكونات الجافة وبنخلهم وبعدين ببلش اضيفهم طبعا بالتدريج اكيد صرتوا حافظينها لغاية ماتنتهي كل الكمية
بجهز صينية بدهنها زيت وبعفرها بالطحين وبنزل بخليط الكيك
وعلي فرن محمي مسبقا لمدة ساعة إلا ربع وطبعا بنختبر استواءها بعود خشبي
بنتركها تبرد تماما قبل مانحشيها بالكريمة
بس تبرد بقسمها لثلاث اقسام وببلش اسقي كل طبقة من الكيكة بالنسكافيه
وبفرد كمية من الكريمة وبس يخلص كل الطبقات بغلفها بالكريمة ومن الجوانب بعفرها بالفول السوداني وجوز الهند
وعملت زينة بسيطة للوجه وكتبت بالشوكولاتة المذابة وبس خلصت تركتها بالتلاجة لتاني يوم وهيك خلصت كيكتنا لليوم انتظرونا في حلقة جديدة من برنامج فوزوني أو بذبحكم
بتمني تجربوها لأنه كتيييير زاكية ولاتنسوا اضافتها للمفضلة وتدعوا للوالد بالرحمة والمغفرة
ملاحظة لسة ماانحلت مشكلة الصور ان شاء الله بنزل صور بالتعليقات
ملاحظة من الأدمن: ممكن تصوريلي فيديو وتبعتيلي اياه افهم ايش اللي بصير معك أم عبد الرحمن؟
