كيكة الشوكولاتة مع اطيب صوص شوكولا ملكة الكيك
كيكة الشوكولاتة مع اطيب صوص شوكولا،ملكة الكيك
كيكة الشوكولاتة مع اطيب صوص شوكولا،ملكة الكيك
المقادير
- ١,٥ ك دقيق منخول
- ١/٢ ك كاكاو
- ١ ك سكر
- ٢ ظرف بيكنج بودر
- رشة ملح
- ١/٣ ك زيت نباتي
- ٢ بيضة بحرارة الغرفة
- ٢ظرف فانيلا
- ٣/٤ ك حليب سائل
- ١/٢ ك ماء ساخن
- مقادير الصوص
- ١/٢ ك كاكاو
- ٣/٤ ك سكر
- ٣م ك دقيق
- كوب وربع حليب سائل
- ٢م ك زبدة أو زيت نباتي
الخطوات
بسم الله الرحمن الرحيم
كيكتنا اليوم كتير بتجنن والصوص ولا اروع بتمني تجربوها ويلا نبلش
بالبداية بخلط المكونات الجافة مع بعض(الدقيق و الكاكاو والسكر والبيكنج باودر ورشة الملح) وبعدين بضيف البيض والزيت والفانيلا والحليب وبقلب كتير منيح وبعدين بضيف الماء الساخن وبحرك لغاية ماتمتزج كل المكونات
بنزل بخليط الكيك بصينية مدهونة بالزيت ومعفرة بالطحين وعلي فرن محمي مسبقا لمدة ٤٥ دقيقة أو حسب الفرن
لتجهيز الصوص بنخلط كل المكونات ماعدا الزبدة وعلي الغاز مع التحريك المستمر لغاية ماتغلي بنطفي الغاز وبنضيف الزبدة وبنحرك وبنغطي وجه الصوص بالنايلون وبنتركها تبرد تماما وبس تبرد برجع اقلبهم بالمضرب
وبس بردت بنقسمها لثلاث طبقات وبنحشيها بالكريمة وبنغلفها بالكريمة وبنزينها بالصوص وصحة وهنا عقلبكم يارب
ملاحظة انا تقريبا عزمت الكل لحفلة تتويجي هههههه
لا تنسوني بالدعاء لوالدي بالرحمة والمغفرة
بحبكم كتييييييييييييييير