تارت تشيز كيك
تارت تشيز كيك
المقادير
- للكرست:
- كاسة ونص طحين منخل
- 100 غم زبدة المراعي متلجة
- ربع كاسة مية متلجة
- رشة ملح
- صفار بيضة عليه فانيلا
- ملعقتين كبار معيارية سكر
- للحشوة جميع المكونات بحرارة الغرفة:
- 400 غم جبنة كريمية غير مملحة
- نص كاسة سكر
- ملعقتين كبار سكر اضافي اذا بتحبوها كتير حلوة
- 300 غم(علبتين) زبادي يوناني نكهة بلوبيري (المراعي)
- حبتين بيض
- فانيلا
- رشة ملح
- ملعقتين كبار معيارية نشا منخل
- نقط لون غذائي موف
- توبينغ بلوبيري
الخطوات
للكرست
بمحضرة الطعام بتحطي كل النواشف
بتضيفي الزبدة ليصير زي الرمل
بتضيفي صفار بيضة مع الفانيلا
اخر شي المية بالتدريج ملعقة ملعقة حتى تلم العجينة بتكون عجينة طرية ومتماسكة
مابدها عجن بس تلم
بتدخليها التلاجة لمدة نص ساعة بعدها بتفرديها على بين ورق زبدة او او نايلون وبتحطيها بالقالب و بالشوكة بتعملي فيها ثقوب و بترجعيها للتلاجة
بتحطي عليها ورق زبدة عليها حبوب تقيلة وبتدخليها فرن حامي من قبل درجة ١٨٠ من الوسط، لتتحمر الاطراف وتستوي نص ستوا القاعدة بتشيلي ورق الزبدة
للحشوة
بتخفقي على سرعة هادية الجبنة وبتضيفي السكر
بتضيفي زبادي يوناني
بعدها البيض عليه رشة ملح و الفانيلا وبتضيفيه بالتدريج واخر شي النشا ونقط لون غذائي
بتصبيه بالقالب وبتدخليها الفرن درجة 180 من الوسط تحت شبك الفرن عليه صينية عليها مية
حتى تستوي الأطراف ومن النص مستوي 95٪ (اذا حركتي القالب من النص بكون مو متماسك 100٪)
بس تطفي الفرن بتفتحي شوي بابه وبتخليها بالفرن تبرد بعدها بتدخليها التلاجة لمدة ليلة كاملة قبل التقديم بتزينيها بالتوبينغ
بالهنا والشفا يارب
