بسبس كيك
بسبس كيك
المقادير
- ٢ بيض
- نص كوب حليب
- ربع كوب زيت
- كوب دقيق
- نص كوب سميد ناعم او وسط
- ضرف بيكنج بودر و فانيلا
- ملعقة خل
- ملعقتين زبادي
- برش ليمون
- نص كوب سكر
الخطوات
السلام عليكم
بصراحة هاي الكيكة من اختراعي لان الحاجة ام الاختراع ههههه
طلبو مني الاولاد اعملهم حلو دخلت المطبخ وبصراحة حترت شو بدي اعملهم لان ماعني شي محرز ههههه قعدت اببحبش بهالخزانة وجمع مقادير وطلعت معي هالوصفة بس عنجد طلعت بتجنن هشة وخفيفي حبوها كتير وصارو يسالوني شو اسمها طلعت معي بسبس كيك لانها مزيج من البسبوسة والكيك اتمنى اتجربوها وتعجبكم
نبلش بالوصفة
نخلط البيض مع السكر والفانيلا والخل
وننز بالحليب والزيت والزبادي
بعدين بنضيف السميد والبيكنبودر ونص كمية الدقيق ونحرك ونشوف القوام بتكون اخف شوي من الكيك لانو السميد رح يتشرب سوائل اكتر ادا احتجنا نكمل كمية الدقيق وادا احتجنا شو كماد نزود مو مشكلي لانو انواع السميد والدقيق بتفرق . وبعد مانخلص نحطها بصينية الفرن المدهونة زيت ورشة سمييد وطحين . علي درجة حرارة ١٨٠ مابتاخد وقت ١٥ دقيقة .
وبعد ماطلعت سقيتها شربات خفيف بس موكتير سقي خفيف . وحطيت فوقا قشطة ممكن قشطة جاهزي او متل ماعملت انا قشطة بالبيت كوب حليب وملعقة نشا وملعقة سكر وماءزهر او ورد حسب مابتحبو .وزيت بصوص فراولة الي هو مربى خففتا بشويه شيرا . ممكن تزينو متل مابتحبو لوز او فستق . وانشاءلله الف صحة وهنا❤
