كيك يومي بدون بيض وحليب ولا اسهل من هيك ملكة الكيك

المقادير

• كوبين ونص طحين
• نص كوب زيت ذره
• كوب ونص ماء دافئ
• م.ك.بكنج باودر
• م.ك.فانيلا
• كوب ونص سكر
• ربع م.ص.كربونات الصوديم (أختياري )
• 2 م.ك.نشا الذره
• م.ك.خل

الخطوات

السلام عليكم ويسعد أوقاتكم بكل خير

اليوم بقدملكم طريقة كيك سهل وبسيط وسريع بدون بيض وحليب وطعمه روووعه للي ما بحبو اضافة البيض او اذا ما كان فيه عندك بيض وحليب بتقدري تعملي كيك بكل سهوله

ان شاء الله بعجبكم ….

يلااا نشوف الطريقه ….

& ننخل الطحين والبكنج والنشا والفانيلا بنتركهم عالجنب لحتى نجهز المواد السائله بنضيف الماء الدافئ وعليه السكر والزيت والخل وبخلطهم مزبوط لحتى يذوب السكر وببلش باضافة المواد الجافه عالدفعتين وبحركهم لحتى يختفي الطحين ويتجانس الخليط،، بضعه بقالب مدهون بالزيت ومرشوش بالطحين وبدخله عالفرن محمى مسبقا عالدرجة حراره 180 باخذ وقت تقريبا 50 دقيقه حسب حرارة فرنك عالرف الثاني من الفرن بختبر استواءه بعود خشبي واذا كان بده الوجه تحمير بنحمره حسب الرغبه

بعد ما يجهز بتركه بالفرن وبطفي النار تحته لمدة عشر دقائق لحتى يرتاح شوي وبعدين بقلبه زينته بصوص شوكولاته حسب الرغبه وممكن بدون

تزين وصحه وعاافيه

دمتم بكل الخير