جعفر القبطان الجزء الاخير
جعفر القبطان الجزء الاخير
#جعفر_القبضان_بقلم_هلاغرابلي
الجزء الاخير (العاشر)
سيلينا: جعفر مات …مات …مات قتل
ما قدرت الا ما ابكي عليه , حسيت قلبي و عقلي رح يوقف من الصدمة , اندق باب بيتي , رحت افتح انا و عم مسح دموعي , فتحت الباب و طلع بوجهي
سيلينا : جعفر
لفيتو لا اراديا انا و عو ابكي
سيلينا : فكرتك متت
جعفر: جعفر القبضان ما بموت قتل
سيلينا : فوت …ليش هيك حالتك
كان تيابو و وجهو وسخين كتير و واضح التعب على هيئتو
بعد ما فات تحمم عندي و عرتو تياب من عندي قميص نوم , وقوقف يطلع بالمراية و يضحك
سيلينا :ههههههه
جعفر: ما عندك شي غير هيك تلبسيني اياه
سيلينا : هيدا اوسع شي عندي و بفوت فيك , احكيلي شو يلي صار بعد ما انا طلعت ؟
جعفر : حبسني بالمستودع بس قدرت اهرب و بقيت بالغابة متل المشردين قبل ما يجيبوني رجلي لعندك ,ما حبيت روح على الفيلا حتى ما ينتشر الخبر
كنت عم اطلع بجعفر هو و عم يحكي , و تذكرت اول مرة فات بيتي كيف كان و بالمرة التانية كيف صار
سيلينا : مين هيدا يلي قالو عنو جثتك ؟
جعفر :هيدا واحد من رجال ابو الوليد الزفت , وقت هربت لحقني و كان بدو يقتلني بالغابة , قمت قتلتو انا و حرقتو و زتيت هويتي جنبو ليفكروني انو انا
سيلينا : هلا انت شو بدك تعمل ؟
جعفر : هلا بقا بدي فرجيه لابو الوليد كيف بكون اللعب معي
سيلينا : جعفر , خلص بكفي ضيع حياتك بمعاقبة الناس و الانتقام , عيش حياتك بهدوء و سوزي صارت هون
جعفر: أي كتير منيح , رجعت بالوقت المناسب , بدي منك طلب
سيلينا : تفضل
جعفر: بدي تروحي على الفيلا , في خزنة بالمكتب رح اعطيك الباسورد , رح تفتحيا و في بقلبا صنوق خشب , افتحي الصندوق وارفعي ارضية الصندوق , رح تشوفي تحتو صور و هدول جيبين , ارجعي لهون
سيلينا :صور شو ؟
جعفر : بس تجيبن رح فرجيكي علين , ما تخلي حدا يشوفن غيرك , اكيد ورد عند اهلا و سوزي بالفيلا
سيلينا : جعفر ما بقا ادخلني بقصصك , ابو الوليد حالف يقتلني اذا شافني مرة تانية
جعفر : ما تخافي رح حكي يامن هلا و وصيه يبقى معك
سيلينا : طيب ليش انت ما بتروح؟
جعفر: ما بدي حدا يشوفني هلا , بدي دمرو لابو وليد و بعدو من الساحة د و بعدين بظهر انا
سيلينا : طيب
جعفر : زعجوكي شي وقت اخدوكي ؟
سيلينا : لا ابدا بس بقي بالي عندك و خفت يقتلوك بس ما قدرت اعملك شي
جعفر : ما عتبان عليكي بشي , يلي تصرفتيه هو الصح انا رجال و بعرف خلص حالي و انا توقعت يعمل فيني هيك
سيلينا : طب ورد , مرتك شو بدو يكون رايا بالشي يلي بدك تعملو بابوا
جعفر :طلاق ورد هو تاني خطوة رح اعملا بعد ما اخلص من ابوا هالدابة
سيلينا : ما نتاخدا بذنب ابوا
قرب لعندي وقعد قبالي
جعفر : ما بحبا ما بتحرك فيني شي , شو بدا تحرك برجال قلبو و عقلو مع حدا تاني
احمر وجهي و نزلت راسي
جعفر : رح نبلش صفحة جديدة بعد ما تقطع هالفترة
سيلينا :انشالله خير , فوت نام اكيد تعبان
جعفر : و انت ما بدك تنامي ؟
سيلينا :انا ….
تاني يوم رحت على الفيلا , فتت قعدت بالصالون و بنزلة سوزي من فوق , كانت متغيرة كتير و لابسة اسود حداد على اخوا , هي ست البيت هلا و استقبلتني بود كتير
سوزيكاشتقتلك كتير
سيلينا : و انا اشتقتلك , شو اخبار الحمل
سوزي :..انا نزلت الولد
سيلينا : شوووو؟
سوزي(تبكي): نزلتو ب لحظة غضب بعد ما عرفت بالحقيقة بس هلا ندمانة كتير حسيت حالي قتلت ابني ….ما رح سامح حالي بحياتي
سيلينا : الله يعوضك
سوزي:توقعت شوفك اول ما وصلت بس ما حدا عرف محلك
سيلينا : صارت قصص كتير انا اليوم جاي بطلب من جعفر
سوزي: جعفر ؟جعفر مات
سيلينا : لا بعدو عايش
سوزي: وينو ليش ما هو هون
سيلينا : قصة طويلة رح احكيلك اياها بس بدي جيب الامانة بالاول
سوزي: امانة شو ؟
طلعنا على المكتب انا وسوزي و جبت الصور يلي كانو بظرف و حكتلا لسوزي كل القصة
سوزي : هاتي الصور , ما في تاخدين
سيلينا : سوزي ما تخليني اندم انو حكتلك
سحبت الصور من ايدي فجاة
سوزيك الله لايردو بيستاهل , خليه يعيش تحت رحمتي هالمرة و نقلب الادوار شوي
سيلينا : يا ربي شو هالعيلة الحقودة , ما معقول انتو , خلص بقا صيرو اخوات ولو و لمرة وحدة
سوزي: نحن اعداء اكتر من الاعداء نفسن , خليه متخبي متل الفيران و اخيرا اجا يلي اقوي من
سيلينا : سوزي انا متفاجئة فيكي
سوزي:ما معك حق تلوميني
سيلينا : لا بدي لومك وقت صرتي بمركز قوة ما طلعتي كتير بتفرقي عن جعفر , نسيت انكن اخوات
سوزي: انا مستحيل كون متلو ….خدين … خدين كرمال معزتك بقلبي و لولاكي اليوم انا ما كنت هون , كنت بعدني عم نازع بالغرفة .بس قليلو انو سوزي ما بقا متل اول و زمان اول تحول , و اوعى يفكر يرجع يمارس حكمو و جبروتو علي
سيلينا : ما مفكر ابدا, رح تتحسن الامور بيناتكن كتير و هو تغير , حس بوجودك بعدما سافرتي , هلا مضطرة روح طولت اكتر من اللازم
سوزيك الله معك حبيبتي
سيلينا ك سوزي ما تخبري حدا بشي اوك وعد
سوزي : ماشي وعد
رجعت على البيت و معي الصور , كانت صور فضيحة لابو الوليد مع عشيقتو فاتن بوضعيات مخزية , اخدن جعفر مني ر
جعفر :ما رح امن عليكي تبقي هون , رح ياخدك يامن على فيلا الريف ماشي و لا تنسي تتفرجي على التلفزيون و بس خلص شغل بلحقك
سيلينا :خايفة تكون عم تلعب بالنار , القصة ما حرزانة
جعفر : ما تخافي
طلعت على فيلا الريف انا و متوترة , اول ما فتت تفرجت على التلفزيون و شفت صورو لابو الوليد معبية المحطات تحت اسم الفضيحة من النوع الثقيل , مرت ايام و انا بالفيلا لحالي , تمنيت لو كانت سوزي معي , لفقت بنص الليل على صوت ضرب رصاص قوي , وقفت على الشباك اتفرج شفت الحرس علقانين مع رجال تانية ,توقعتن رجال ابو الوليد , خفت كتير و ما عرفت شو اعمل ,كان واضح انو جاين بدن جعفر ,وقفت اتفرج علين حتى شفتن دخلو الفيلا , ركضت قفلت الباب علي بس فاتو و انتشروا فيا عم يدورو عليه , حتى وصلو لباب غرفتي , تخبيت تحت التخت انا و عم اسمع صوتن
_شكلا جوا , دفشو الباب
كانو عم يدورو علي , دفشو الباب و فاتو و سحبوني من تحت التخت انا و عم صرخ و ابكي و نادي جعفر , شلحوني على التخت و تناوبو على اغتصابي , ما بعرف عددن , ما قدرت عدن من الوجع و الصدمة النفسية بس يلي سمعتو
_ قليلو لجعفر ما حدا بعلم على ابو الوليد
ونزلو و بقيت على التخت عم انزف و ابكي ساعة و اتنين و تلاتة , حتى طلع الصبح , ما كنت قادرة قوم من تختي , حتى سمعت صوت دعسات رجلين , كان جعفر , فات هو و عم يلهت و يدور علي من غرفة لغرفة , لحتى شافني , حملني و نزلني على المشفى و انا غبت عن الوعي , ما بعرف اديش بقيت بالعناية المشددة قبل ما اطلع على السويت , شفت سوزي واقفة و ناطرتني , قربت علي
سوزي: لحمدلله على سلامتك
بعدين فات جعفر و الدكتور , قسلي ضغطي
الدكتور: ما تخاف سيد جعفر وضع صارا تمام , رح نخليا يومين بالمشفى لنطمن على صحتا اكتر و بعدين منطالعا
جعفر: شكرا الك , هيدي من العيلة بدي تهتمو فيا كتير و كانو انا المريض
الدكتور: اكيد ولو , من غير ما تحكي انا حطتلا اشطر ممرضتين بالمشفى ليشرفو على وضعا
جعفر: يعطيكن العافية
قرب لعندي
جعفر : كيفك , كيف صرتي؟
سيلينا :…….
جعفر : طيب , اهم شي تتحسني هلا
طلعت من المشفى بعد فترة على فيلا جعفر فورا , كان جسمي متعافى بس كانت روحي تعبانة من جوا , كان يروح جعفر و يجي و يحكي معي و انا ساكتة , لا رد عليه لا هو و لااختو سوزي, كرهتن كتير و كرهتو على قد ما كنت بحبو ,بعد فترة , قعد جعفر على التخت قبالي و سوزي واقفة جنبو
جعفر : قليلي شو بدك ؟بدك ترجعي على بيتك ؟ بدك تبقي هون ؟ احكي بس احكي, طب هزي براسك
سيلينا :………..
جعفر : معك حق تعاقبيني بس طولتي كتير, الك شهرين ساكتة , الدكتور قال انو ما عندك مشاكل بالنطق بس لازمك راحة , انت مرتاحة هون ؟
سيلينا:…………
مسكني من ايدي و صار يهزني بقوة
جعفر : احكي احكي شبك انخرستي احكي
سوزي: هااااي شبك شوي شوي عليا , ما انت السبب بحالتا
جعفر : سوزي روحي من وجهي ما مستظرفك هاليومين
سوزي:انت يلي روح من هون , اتركني احكي معا
جعفر: تفضلي
سوزي:سيلينا حياتي انا بعرف انك عم تسمعيني , نسيتي الحكي يلي كنت تقليلي اياه عن القوة و كيف لازم نتحمل كل شي و ما نوقع ,انا جنبك و رح ابقى جنبك , مستحيل اتركك قبل ما تتحسني و ترجعي متل ما كنت , ترجعي مضوية حياتنا, اليوم اجا صقر , صار يترجاني ارجعلو و انصدم وقت عرف انو نزلت الولد , صار يصرخ حتى اجا جعفر, كان بدو يقتلو بس انا ما خليتو , صار يحلف انو هو ما دخلو بموتة امي و اخوالي و انو كانت الحادثة قضاء و قدر بس هو استغل هالشي لصالحو كرمال يتقرب من جعفر و يصير ايدو اليمين , ما عرفت صدقوا لا لا بس حتى لو صدقتو ما بقدر ارجع عيش معو بعد هالصدمة , رح ضلو طول عمري شك بانو هو يلي دبر هالحادثة مع اني بحبو كتير و بعرف انو هو بحبني , ما بعرف شو بدي اعمل , شو اعمل ؟
سيلينا :………………….ز
سوزي: طيب , بدي احكيلك كمان عن علاقتي مع جعفر يلي بلشت تتحسن بس بعدنا متل الزيت عالنار , من اقل شغلة منتخانق و اخر شيي بقلي انا الحق علي ما كنت لازم اعطيكي الصور , مجنون , بس هو بحبك كتير , حتى و هو بشغلو بيتصل فيني كتير حتى يطمن عليكي و يعرف اذا حكيتي الا لا, بعرف انو يلي صار معك كبير و ما في أي وحدة رح تتحمل كل هالشي بدون ما تنهار , ما مشكلة خدي وقتك و نحن ناطرين لترجعيلنا , شو رايك تروحي انت و جعفر سياحة على شي محل ؟
سيلينا :……………..
سوزي:امممم , ما رح احكي اكتر ما بدي اوجعلك راسك, رح ابعتلك ميرا تجبلك الاكل
طلعت ميرا عندي هي و حاملة صنية الاكل معا , قعدت على التخت و بلشت طعميني
ميرا : لك على شو يا جربانة الكل عم يهتم فيكي كل يلي طولك شبر و نص , شوعاملتيلو لجعفر بيك حتى عم يهم فيكي هالقد و مقعدك بغرفتو و نحن عم نخدمك بعد ما كنت خدم متلنا , الله يقطع الحظ بس , قولي عاملتيلو سحر , اكيد , من اول ما جيتي و نحن ما مرتاحين الك , حسنا قلبنا انك داخلة تعملي شي و طلعتي حاطة عينك على السيد جعفر , حاج تجذبي اهتمامو و تدعي انك مرضانة ,رح يكبك برا بالحاوية يلي جابك منا ….كلي كلي ……. الله ياخدك ..يا مقملة يا جربوعة ….
كان جعفر واقف وراها و هي ما منتبهة, مسكا من شعرا و رفعا
ميرا : اخ اخ اخ …. سيد جعفر ! ..انا.
جعفر: مين الجربوعة يا دابة ؟
ميرا : انا انا انا هي الجربوعة
جعفر :انت البالوعة يلي بطلعو منا الجرابيع و قسما بيلي خلقني لو ما حالف انو ما بقا ادبح حدا لكنت علقتلك راسك على باب الفيلا , معك 5 دقايق بس اذا ما بضبي اغراضك و بتنقلعي لطيرك الى ماوراء الافق
نزلت ميرا ركض و هو قعد جنبي و مسك الصحن و الملعقة
جعفر :سمتلي بدني هالدابة … شبك ؟ ما بدك تاكلي معي
سيلينا :……
جعفر :طيب ,طب اطلعي فيني على الاقل , انا بعرف انو الحق علي دخلتك بقصص ما الك فيا بس ردتلو اياها لابو الوليد العين بالعين و السن بالسن و البادي اظلم و خلص , صفحة و طويتا , لبلش معك صفحة جديدة حتى سووزي صرت عم عاملا منيح كرمالك مع انو عم تستفزني كتير …سيلينا انا قسيت عليكي و كنت عم اتصرف بغباء ,ما بعرف ليش كنت عم اتصرف هيك يمكن لانو ما كنت بدي اعترف حتى بيني و بين حالي اني حبيتك ,كنت مفكر انو رح اتزوج و تابع حياتي و اقدر اتجاهلك بس ما قدرت , وقت ما بتكوني بهالبيت , بحس حالي ضايع مكتئب ناقصني شي , سيلينا حتى لو بقيتي العمر كلو هيك ما رح اتركك و رح ضل حاول معك لترجعي متل ما كنت لانو انا السبب يلي وصلتك لهون , و هلا مستعد عوضك بس قليلي شو اعمل ؟
سيلينا : بدي …..
جعفر : ايه قولي شو بدك
سيلينا : بدي ارجع على بيتي …اطلع من حياتي….بكرهك
جعفر:…………
قام وقف و عبق وجهو احمر , نزل فورا , بعد شوي طلعت سوزي
سوزي: سيلينا بدك ترجعي على بيتك و تتركينا
سيلينا:ايه
سوزي:طيب اذا رح تكوني مرتاحة اكتر
سيلينا : ايه
سوزي: رح جهزك
وصلني يامن بالسيارة و طلعت معي سوزي و غيداء, ما شفت جعفر ابدا , نزلت على بيتي انا عم ارتكي على سوزي, فاتت قعدت شوي عندي
سوزي:سيلينا رح ضل عندك غيداء لتشوف شو …
سيلينا : ما بدي حدا من طرفكن
سوزي:بس…..
سيلينا :خديا امعك
سوزي:طيب
طلعو من عندي و انا دخلت بنوبة بكا ,كان اول يوم ببيتي صعب كتير , نفسيتي تعبانة و ما قدرت اشتغل فيه شي, تاني يوم اجا يامن و جايب معو اغراض باعتن السيد جعفر , قلعتو و كبيت الاكياس برا و رجعت ابكي , كان يوم عن يوم عم اتحسن و ارجع اقوى , كانت تزورني سوزي بس ما كنت افتحلا الباب , كان بدي يطلعو من حياتي هي و اخوا بعد كل هالاسى , اخدت قرار صعب وعرضت بيت اهلي على البيع , تاني يوم اجاني شرا
المشتري: اديش بدك فيه
سيلينا : اديش بتحط فيه
المشتري:20 مليون
سيلينا :20 مليون
المشتري: قلال , بزودلك اياهن
سيلينا : لا مناح , بكرا منوقع العقد معناها
المشتري: أي تمام
بعت بيت اهلي و بلشت دور على بيت جديد بحارة جديدة , بعد اسبوع لقيت بيت مرتب اكبر من بيت اهلي و اجدد, سالت صاحب المكتب عن سعرو
البائع : اديش بتدفعي؟
سيلينا : بدفع 15
البائع : طيب ماشي الحال مع انو هو سعرو اكتر من هيك بشوي , اتكلنا على الله
اشتريتو و عفشتو بباقي المصاري يلي بقيو معي و ضل منن مبلغ , كنت حابة افتح فين مشروع خياطة لعيش منو, اشتريت اقمشة و عملتا ا فساتين وبلشت بيعا للجيران بعدين وسعت شغلي و تعاقدت مع محل , كانت الدنيا عم تضحكلي من جديد بعد ما طلع وال القبضان من حياتي , كنت شوفو لجعفر على التلفزيون باخر اعمالو الانسانية و لقاءاتو الصحفية و و من ضمنا مقابلتو مع الاعلاميةوفاء ا يلي ادخلت بحياتو الشخصية
االاعلامية وفاء :اختفيت ما يقارب الشهر عن الساحة , شو بتعلق على هلموضوع بالاضافة الى ظهور شقيقتك المفاجئ سوزي القبضان على الساحة اثناء اختفائك؟
جعفر : شقيقتي سوزي القبضان كانت عم تكمل تعليما بكندا و رجعتا على البلد بهالتوقيت كان مجرد صدفة و بعض الناس استغلتا لتفسر شغلات ما الها اساس من الصحة , علاقتي معا علاقة طيبة , اما اختفائي لمدة شهر انا فعلا كنت مختفي و قاعد ببيتي بالجبل , كل فترة بحب انعزل شوي عن المحيط لصفي ذهني كرمال انجز و قمد اكتر بالمراحل القادمة:
وفاء:جعفر القبضان , شخصية ناجحة على كل الاصعدة بس فشل بزواجو من بنت عضو مجلس الشعب السابق ….
جعفر: بعتقد هالشي شي شخصي و انا ما موجود اليوم لاحكي عن حياتي الخاصة هاي مساحتي , انا هون لاحكي عن المستقبل و شو رح نقدم لنصير احسن
وفاء:ا : اكيد بس الكل صار عندو فضول و بلشت تطلع اشاعات بوجود امراة تانية بحياتك
جعفر : انت قلتي اشاعات
وفاء: ما بتحب ترد علين و طمن قلوب الصبايا هههههه
جعفر : من هالناحية ما يطمنو ههههه
وفاءا :يعني في مشروع ارتباط عن قريب
جعفر:بعتقد هالموضوع اخد اكتر من حجمو
وفاء: رغم صغر سنك الا انك شخصية قوية اثبت حالك باي منصب تكلف فيه , جعفر القبضان من مين بيستمد قوتو و بمين بيقتدي بالحياة ؟
جعفر:بقتدي بالوالد الله يرحمو ,و بستمد قوتي من… ذكريات عايشتا بحياتي و صنعت مني الانسان يلي موجود هلا
وفاء:ذكريات حلوة او بشعة؟
جعفر :شو ما كانت , المهم عملت نتيجة حلوة
وفاء: شو خططك للايام القادمة ؟
جعفر :بالايام القادمة رح تكون مساعداتي موجهة للشريحة الشابة من المجتمع , رح ندور على الموهوب المنسي بين الازقة و الحواري الضيقة و ندعمو و نحطو بمطرحو المناسب ,انشالله منحقق شي حلو كتير بالاضافة لدعم المشاريع الصغيرة بقروض سهلة الايفاء
وفاء:انبسطنا كتير فيك و شكرا الك انك اعطيتنا شوي من وقتك و لبيت دعوتنا و شكرا لكل شي عم تقدمو للبلد بدون مقابل , منتمنالك مزيد من النجاح و التالق و هلا المايك معك لمين بتهدي نجاحك ؟
جعفر :بهديه للشخص يلي حسيت معو انو انا بملك كل شي الا قلبي , للشخص يلي اخد بايدي للسلام الداخلي و للصفاء,يلي زرع فيني بذور الرحمة و سقاها و كبرا و عبى المطارح الفاضية بحياتي….
قمت طفيت التلفزيون و ررحت نمت , انا و عم فكر فيه و باهداؤه
سيلينا : صحي شو دخلني انا , ليش عم فكر فيه ,لحمدلله انو ما عاد شفت وجهو مرة تانية
رفعت الحرام و حطيت حالي بالتخت , ما قدرت امنع حالي من التفكير فيه ,تقلبت بالتخت كتير ,رجعت قمت عملت فنجان قهوة و قعدت على البلكونة ,و صفنت بالسما , كان القمر مضوي كتير , تذكرت ذكرياتي مع سوزي بالغرفة و تذكرت وجه جعفر وقت عكس ضو القمر عليه , تنهدت و شردت بخيالي , بعد يومين انا و عم ودي التياب للمحل يلي متعاقدة معو
ناهد:سيلينا , بدي قلك على شغلة مهمة يمكن تستفادي منا كتير
سيلينا : تفضلي
ناهد : رح يكون في مسابقة و حفلة اخرة الاسبوع لتدعم مواهب الشباب , قلت بخبرك لتروحي
سيلينا : انا شو دخلني
ناهد:كيف شو دخلك ,انت موهوبة بالفاشن ديزاين , خدي تصاميمك معك و اكام قطعة من شغلك
سيلينا :ما بعرف , هيك مسابقات بدا واسطة
ناهد:لا ابدا , انا تاكدت بطريقي , في مشرفين نزيهين على المسابقة و لجنة تقييم
سيلينا : طيب , كيف بقدم ؟
ناهد: روحي بنفس اليوم و سجلي اسمك و فوتي , اسمعي لبسي شي من تصاميمك كمان
سيلينا : طيب
حضرت حالي و احترت شو البس , وقع اختياري على فستان اسود ,لبستو و زبطت حالي و اخدت التصاميم معي والعنوان من ناهد , ورحت كان في زحمة كتير , شي جايب معو لوحات و شي جايب معو الات موسيقية , كانت المواهب مشكلة , لفوتونا واحد ورا التاني , انا و ناطرة على الدور و عم اقرا اللافتات تعيت المسابقة و الحفلة ,قرات باخر اللافتة برعاية جعفر القبضان , زميت شفايفي , كان بدي اطلع و ارجع على بيتي , بس الحراسة يلي وقفت برا رجعتني و قلتلي اسمك تسجل و نزل على قائمة المتسابقين و صار عند اللجنة ما منقدر نسحبو , رجعت لمحلي انا و عم اسمع البنات عم يحكو بين بعض
_عم يقولو جعفر القبضان جوا
هبط قلبي و وجعتني معدتي ,حسيت لون وجهي انخطف , و رجعت لاخر الصف
_انا ما جاية كرمال المسابقة ,انا جاي كرمال شوفو
_ رفيقة اختي بتعرفو منيح ,قالت انو شايف حالو كتير و نفسيتو محمضة
_معقول؟
فاتو الكل لاجا دوري المتسابقة الاخيرة,كانت في صبية واقفة على الباب عم تفوت المتسابقات و تعلقلن برقبتن رقمن
سيلينا :انا ما بدي فوت غيرت رايي
_حياتي ما بصير يلا الكل ناطرينك جوا , بعد شوي رح نعلن عن الفائزين و تبدا الحفلة
علقت برقبتي رقم 40 , كنت خايفة شوفو و اتلبك , فتت سلمت على اللجنة , اطلعت فين واحد ما كان موجود ارتحت كتير , قدمت شغلي , حتى لمحت جعفر واقف و مكتف ايديه , كانت عتمة محل ما واقف بس كنت بقدر ميز طلتو و وقفتو من بين مليون شخص , كنت بدي خلص و اطلع قبل ما اوقع بالارض
جعفر : و هيدا يلي لابستيه شغلك كمان ؟
سيلينا :….ايه
جعفر: ااذاا كنت من الفائزين شو طموحك ؟
سيلينا : … طموحي انو …انو ..يكون عندي دار للتصميم يعني ورشة كاملة يعني وسع شغلي اكتر
جعفر : طيب هلا فيكي تنضمي لرفقاتك و باخرة الحفلة منعلن عن الفائزين
كانت اللجنة ساكتة و عم تطلع بجعفر , طلعت انا و ساكتة على الطابق التاني كرمال الحفلة ,شفت جعفر واقف مع اللجنة عم يحكو , اطلع فيني و درت وجهي فورا ,
_عفوا في حدا جنبك ؟
سيلينا : لا تفضل
قعد جنبي شاب من المتسابقين
اياد: انا اسمي اياد رسام كاريكاتير
سيلينا : تشرفنا انا اسمي سيلينا فاشن ديزاينر
انا و عم احكي مع اياد , اجا شاب تاني طول بعرض
_حبيب ممكن تحكي معنا كلمتين ؟
اياد: انا ؟
_اي انت , تفضل معنا
و راح اياد و ما بقا رجعت شفتو بالحفلة, بلشو يعلنو عن الفائزين بالمسابقة , يلي رح ياخدو 5 اشخاص منا بس , اعلنو عن ارقام الفائزين و ما كنت منن , حسيت جعفر عم يسخر مني , تركت الحفلة و هو عم يكرم الفائزين و نزلت , كانت الساعة 12 بالليل , وقفت اخدت تكسي لاارجع على بيتي , طلعت و مشيت فيني بعدا ما اعطيتو العنوان
سيلينا : عفوا انت عرفت وين العنوان بالضبط
_ايه بس رح اخد طريق تاني
هو و ماشي اجا تلفون للشوفير
-انا مضطر نزلك هون
سيلينا :كيف بدك تنزلني هون بنص الليل اذا بتري دانا بنت لحالي
_بعتذر تفضلي انزلي
نزلت من التكسي اانا ومعصبة و عم سبو
جعفر:ما بدا هالقد
فتلت ضهري و شفتو واقف بابتسامتو
سيلينا : هيدا انت , كل هاللفة كرمال التقي فيك
بقيت واقفة لوقف تكسي تاني و ارجع على البيت
جعفر : ما رح تلاقي تكسي انا بوصلك
سيلينا : ما بدي
جعفر: لتكوني زعلانة انك ما فزتي بالمسابقة , بس كان في ناس بتستاهل اكتر منك
سيلينا : زعلانة لانو شفتك , لانو كنت مرتاحة و رجعت طلعت بحياتي لدمر شو بقي منا
جعفر: و بتقليلي الي اني قلبي اسود طلع في اسود منو
سيلينا :…….سيد جعفر …
جعفر :ههههههه سيد جعفر !
سيلينا : لوبعرف المسابقة الك ما كنت جيت , شو عملتو بالشاب يلي كان قاعد جنبي , دبحتوه
جعفر:لا صرفتو بس
سيلينا :امممم
جعفر :اممم شو اخبارك ؟
سيلينا:منيحة, كيفا سوزي؟
جعفر : منيحة على طول بتسالني عليكي , بقلا تمام
سيلينا : شو عرفك اني انا تمام ؟
جعفر : خمنت من عندي, ليش انت ما تمام , في شي ناقصك ؟
سيلينا : لا بالعكس حياتي ماشية متل ما بدي
جعفر : أي العين الساهرة تحرسك
سيلينا : ما فهمت
جعفر: شفتك تلبكتي اول ما شفتني بالمسابقة ,تلبكتي خوف او حب؟
سيلينا:حب !
جعفر:هلا اجا دورك لتكابري, انا قلتلك بنطرك و مشيت معك متل ما بدك بس انت طولتي كتير و انا شكلي ما رح انطر اكتر من هيك
سيلينا:و شو رح تعمل ؟
جعفربااخدك غصب عنك
سيلينا:هيدا اسلوبك ما تغير
جعفر:ما بتغير وقت بكون الشي الي
سيلينا:و انا ما الك, و بعدين الك سنة غايب ا ما شفتك و حتى لمحت وجهك و هلا بس شفتك بالمسابقة صدفة تذكرت انو الك
جعفر:ما في شي اسمو صدفة , كل شي مخطط و انا بعدت هالفترة كرمال تروقي و تنسي و تتعافى جروحك ,بعدت بالظاهر بس كنت معك بكل خطوة ,وقت بعتي بيت و اشتريتي البيت الجديد و وقت بلشتي بمشروعك الصغير ,انا كنت موجود
سيلينا :ايوا ,و انا لازم هلا اتشكرك
جعفر: ما عم قلك تشكريني ..انا عملت هالشي لعوضك شوي عن الشي يلي عملتو معك و يلي صار فيكي بسببي ,ما تفهمي هلا انو بدي مقابل ,انا ما بدي غير تكوني معي و ترجعي على الفيلا
سيلينا : لاخدمك و اخدم مرتك المستقبلية ؟
جعفر :ههههه ما بتنسي شي
سيلينا:معقول انسا ,لمعيلا سكربينتا
جعفر:كنت غبي ,ارجعي لتكوني ست البيت
سيلينا : بدك تتزوجني ؟
جعفر:لا بدي جيبك اصمدك عندي
سيلينا:ههههههه
جعفر:شو قلت ؟
سيلينا:عندي شرط واحد اذا عملتو اعتبرني اني موافقة و هيك بتاكد انك بتحبني
جعفر:ليش لهلا ما اتاكدتي اني بحبك؟بس قولي شو هو ؟
سيلينا:قدم استقالتك من منصبك
جعفر:………..
سيلينا :شفتك سكتت؟ عم تشوف كفة مين رح ترجح
جعفر:تفاجات بس …ليش بدك استقيل؟
سيلينا:بدي اضمن الي و لاولادي حياة هادية
جعفر:شو..
سيلينا:ما تجاوب هلا ,فكر و خود راحتك و بس تقرر بتعرف وين تلاقيني او بالاحرى كيف تجيبني لعندك,تاخر الوقت و لازم ارجع البيت
جعفر:طيب رح خلي الشوفير يوصلك
اتصل بالشوفير و اجا وصلني على البيت ,ما عاد رجعت شفتو لجعفر ابدا من هديك الليلة , و فهمت انو اختار السلطة و المنصب ,ما زعلت ابدا ,كملت حياتي و شغلي ليوم اندق باب بيتي الساعة 3 الضهر , كنت عم اكل سندويشة بطاطا و حبة بندورة ,فتحت الباب ,شفت شابين
_ممكن تفضلي معنا
سيلينا:لوين ؟
مسكوني الاتنين من ايدي ,كل واحد من جهة
سيلينا :خلص اتركني هيك بروح لحالي بس لغير تيابي و غسل ….
_الاوامر ناخدك متل ما انت
اطلعت معن بالسيارة انا و بايدي السندويشة و بالايد التانية بندورة ,و بجامتي مبقعة كريم توم و بندورة ,كان منظري بيخجل , اخدوني على فيلا ما بعرفا من قبل
_هاي الفيلا لمين…..لوين اخديني
_………..
نزلت من الفيلا ,و فتت ,فتحولي الباب خدم ما بعرفن
_تفضلي معنا
اطلعت على درج مزين بالتول الابيض و الورد ,ابتسمت ابتسامة ناعمة بس كان قلبي من جوا عامل حفلة صاخبة , فتت على الغرفة و شفت الفستان الابيض معلق على الملكان
_ست سيلينا تحممي و بتكون وصلت الكوفيرة
كنت ما عم صدق حالي اني قاعدة على هيدا الكرسي و رح البس الفستان الابيض لجعفر , خلصت على الساعة 8 , وقفت على المراية كنت طالعة متل الاميرات , اعطتني الصبية باقة الورد لانزل , وقفت على الشباك دور عليه ما شفتو , توترت اكتر خاصة وقت شفت ناس كتير تحت ناطريني
سوزي: شو يا عروس , طالعة متل القمر
سيلينا: سوزي ….و انت طالعة حلوة كتير , وينو جعفر ؟
سوزي: تحت , عم يطمن على كل شي انو تمام , على ال 8 تمام انزلي و بتلاقيه ناطرك تحت
سيلينا : قلبي عم يدق بسرعة , متورتة و خايفة , ما بعرف حدا من الموجودين تحت , طالعة حلوة ؟
سوزي: متل القمر , ما تتوتري
نزلت لحالي انا و قلبي عم يرجف , شفت جعفر بابتسامتو الطبيعية ناطرني باخر الممر , شنكلتو و مشيت على السجاد الاحمر , كان احلى شي بحياتي بصير لو ما قطع اللحظة صوت رصاصة قناص بقلبو لجعفر , وقعتو بالارض و هو حاطط ايدو على قلبو
سيلينا : جعفر …جعفر ….
انتشرو رجالو لجعفر يدورو على مصدر الرصاصة و انا انهرت معو و الحضور مصدوم
جعفر(مبتسم): ما تخافي …عامل حسابي و لبست درع واقي للرصاص ….جعفر القبضان ما بموت قتل
لفيتو و صرت ابكي من الفرحة
انتهت القصة .