كيكة الشوكلاته البركانيه ملكة الكيك

المقادير

• ٣ بيضات
• ١ كوب سكر
• ٢ ملعقه كبيره فانيلا
• رشه ملح
• ١ كوب حليب سائل دافئ
• ٣ ملاعق لبن رايب
• ثلاث ارباع الكوب زيت نباتي
• نص كوب كاكاو
• كوبين طحين
• ٣ ملاعق باكنح باودر
• ١ ملعقه خل ابيض

الخطوات

بنخفق البيض والسكر والفانيلا والملح والخل جيدا لحتى يصير لون الخليط فاتح وهش بعدين بنضيف الزيت وبنخفق بعدين اللبن والحليب وبنخفقهم واخر شي بنضيف النواشف (الطحين والكاكاو والباكنج باودر )كلها بنخلهم مع بعض وبنخفقهم شوي ما بنبالغ بخفق لما نحط الطحين علشان ما نطلع الهوى منها وتضلها هشه بعدين بندهن القالب بالزبده والطحين وبندير الخليط فيها وبنحطو بفرن حامي على ١٨٠ لمده ساعه للاربع

بهاي الفتره بنحضر صوص الشوكولاته بالخلاط بنحط ٣ معالق سكر و٢ملعقه كاكاو بودر و٥ معالق كبيره حليب باودر وملعقه صغيره فانيلا ١ ملعقه صغيره وعلبة قشطه وكاسه شاي مي بارده وبنخلطهم مني بالخلاط واثناء تشغيل الخلاط بنزل تقريبا نص فنجان زيت قلي متل الخيط لحتى تصير الشوكلاته متماسكة وبس تستوي الكيكه بنتركها تبرد وبندير الشوكلاته بالفتحه الي بالنص

وصحتين وعافيه