لازانيا بولونيز
لازانيا بولونيز
المقادير
- لازانيا بريلا
- اجبان حسب المتوفر (بارميزان، قشقوان، مونتري جاك او شيدر)
- للصوص;
- بصلة مفرومة ناعم
- تلات سنان تومة مهروسة
- نص كيلو لحمة مفرومة
- تلات حبات بندورة مبشورة
- تلات ملاعق كبيرة صلصة البندورة
- ملعقة كبيرة كاتشب
- نص كاسة مية
- رشة ملح و فلفل اسود و توم باودر وسكر
- رشة أعشاب إيطالية (ريحان، روز ماري، زعتر، اوريغانو مجففين)
- رشة مرق الدجاج باودر
- للبشاميل:
- أربع كاسات حليب بدرجة حرارة الغرفة
- كاستين كريمة بدرجة حرارة الغرفة
- ست ملاعق كبيرة طحين
- ست ملاعق كبيرة زبدة
- ملعقتين كبار زيت نباتي
- رشة ملح و فلفل اسود و بودرة مرق الدجاج
- رشة بارميزان و قشقوان حسب الرغبة
الخطوات
بتقلي البصل ليذبل بتضيفي التوم
بتضيفي لحمة المفرومة بس تستوي رشة ملح و فلفل اسود و توم باودر و أعشاب إيطالية و بودرة مرق الدجاج و بتقلبيهم
بتضيفي البندورة وبتقلبيهم بعدها الصلصة و الكاتشب ورشة سكر
بتضيفي المية وبتتركيهم يتسبكوا سوا
#للباشميل
على نار هادية بتحطي الزبدة لتذوب مع الزيت بتضيفي الطحين مع التحريك المستمر ليتجانسوا بدون ما يتغير لونه بتضيفي الحليب بالتدريج مع التحريك المستمر لتغلي و تتكاثف بعدها الكريمة حتى لا تفرط، بتضيفي رشة ملح و فلفل اسود ومرق الدجاج و رشة جبنة
بالفخارة بتحطي بشاميل بعدها اللزانيا (مو مسلوقة) و صوص بولزنيز و باشميل بين الطبقات رشة اجبان
اخر شي بشاميل واجبان وبتدخليها الفرن لتستوي بعدها بتحمريها
بالهنا و الشفا
