كيك بنكهتين بدون فرن مطهو عالغاز بالملح ملكة الكيك
كيك بنكهتين بدون فرن مطهو عالغاز بالملح ملكة الكيك
كيك بنكهتين بدون فرن مطهو عالغاز بالملح ملكة الكيك
المقادير
- 2 كوب طحين
- كوب ونص سكر
- كوب الا ربع زيت ذره
- 2 حبة بيض
- كوب وربع حليب سائل
- م.ك.بكنج باودر
- ربع م.ص.كربونات الصوديم
- م.ك.فانيلا
- 2 م.ك.كاكاو خام
- رشة ملح
- م.ص خل
- كمية من الملح لطهي الكيك
الخطوات
السلام عليكم ويسعد مسااكم بالخير
اليوم بقدملكم الكيك بنكهتين الكاكاو والفانيلا شكله مُّموج ورائع ولذيذ بدون فرن مطهو عالغاز بالملح طريقه سهله وناجحه وبسيطه وبالأخص يلي ما عندهم فرن او بحبو يعملوه عالغاز ببعض الاوقات
يلاااا نشووف الطريقه…..
& اول شي نضع كميه من الملح بقعر الطنجره يلي راح نعمل فيها الكيك وبنكون مختارين قالب او صينيه تدخل الطنجره بسهوله وبنضع الطنجره وهي فيها الملح عالغاز عالحراره خفيفه عشان تسخن لحتى نجهز الخليط
& بنبلش بخفق البيض والفانيلا والسكر ورشة ملح والخل اولا لحتى يفتح لونه ثم نضيف الزيت وبنخفق وبنبلش باضافة الحليب السائل مع المواد الجافه ( الطحين المنخول مع البكنج باودر ) عالدفعات لحتى نخلص الكميه
بنقسم خليط الكيك لقسمين وبنضيف الكاكاو عالقسم من خليط الكيك مع شوي من الحليب السائل وبنخلطهم مزبوط
& بندهن الصينيه زيت وبنرشها بالطحين وبنبلش باضافة الخليط عالدفعات بنستخدم ملعقه كبيره او كاس وبنبلش باضافة جزء من خليط الكاكاو وجزء من خليط الفانيلا مره هيك ومره هيك وموضح بالصور الطريقه
& عملت رسمه عالخليط الكيك بس للاسف مع الاستواء اختفت الظاهر الغلط بتوزيع الحراره عندي لانه بلش من الجوانب قبل من النص بس المهم الطعم والنكهات تمام
& بنضع الصينيه في الطنجره وبنغطي عليها ولازم عالحراره خفيفه وبنتركها لحتى يستوي اخذ معي 40 دقيقه وبنختبر استواءه بعود خشبي حمرته عالشواية الفرن
وممكن بدون تحمير حسب ما بتفضلو
بتركه يرتاح شوي ثم بقلبه وبغطيه وبتركه يبرد تماما قبل التقديم ويقطع ويقدم وممكن تزينه بصوص الشوكولا حسب رغبتكم
ان شاء الله بتعجبكم الطريقه وبتجربوها
وصحه وعافيه
دمتم بكل الخير
