الصدقة وما ادراك ما الصدقة

اتمنى ان تفهمو لهجتنا
والله قريتها دموعييي طااحو

منقوووووولة

راجلي ماشي خدام ساعة يخدم وساعة لالا واحد نهار رحلو جيراني جاو جيران جدد في باطيمة كوبل ما شاء الله عليهم لمرا راجلها يخدم في صحراء وهي تخدم في شركة راجلها يجي كل شهر مكاش لي يقضيلها كانت تبعت وليدي صغير يقضيلها كل ما يقضيلها تمدلو 200دج مينداك توصل حتى 1000 دج يجي وليدي يقولي ليكي واش مدتلي جارة كنت نفرح وواش كانت تمد كنت نخبي نخبي مع وقت طميت دراهم وكان حلمي نشري كويزنياغ نطيب لولادي غاطو وو مي الله غالب حالتي متوصلش نطيب في طبونة بهادوك دراهم نطم نطم جازو 6 شهور وكتب ربي بيهم شريت كويزنياغ من الفرحة اول حاجة درتها موسكوتشو وروحت عند هادي جارتي طبطبت فتحت هدرة مقدرتش نهدر بدموع عنقتها وقتلها كثر خيرك هاذا واش قدرت نبعتلك هي مفهمت والو فهمتها ورجعت تبكي تبكي وتعنق فيا قاتلي هادي صداقة نحب نمدها دراري صغار باه ربي يرزقني ذرية 10 سنين زواج ومزال مكتبليش ربي تبكي وتقولي ادعيلي وسمحيلي مكنتش نعرف حالة ديالك ريحت غير تطلب سماح غدوة منداك جات لداري وقضاتلي قضيان تاع شهر واحد انسانة متتشبعش ما شاء الله ودخلت وريتلها داري الله غالب مفيها والو غير لحيوط لبقات غير تشوف حكيتلها حياتي ورجعت صديقتي جي عندي ومنداك تبعتلي ماكلة شوية قضيلن نعمة جابها ربي عندي على شهر كنت راقدة حتى يطبطبو فلباب نفتح نلقاها هي مع راجلها اتخيلو واش جابولي شراولي تيليفزيون فريجيدار كليماتيزوغ كانابيات مطارح عمرولي داري لي جامي درت في بالي تتعمر لساني تعقد بقيت مدهوشة لدرجة لساني تعقد من كلام وهي دموع في عينيها مفهمت والو قتلها خيرك جامي ننساه وسمحيلي مراحش نقدر نرجعلك غرام من خيرك غير ندعيلك برك قاتلي لا لعكس خيركم وجهكم نوركم ربحت عليكم اتخيلي راني بلحمل لي حياتي قاع وانا نداوي مرفدتش صدقت وصدقت نتونا مفتاح فرج ديالي نتوما رزقي ربي بعتكم ليا وتبكي وتعنق نذت نزغرت وجاز حمل ديالها عاونتها خيرها مننساهش درتها كي ختي صغيرة رفدتها وبلا مزيتي خيرها سبق زيدت جابت طفل يهبل سماتو على وليدي لي كان يشريلها ياسين امنوني يا خياتي لقيتها هي وملقيتش عائلتي فرجت عليا ربي يفرج عليها جيت نحكيلكم عليها لانها بعد ما قفل ياسين وليدها عام زادت رفدت بلحمل بتوام ربي يتمملها بخير .

#الصدقة وما أدراك مالصدقة.

#منقول_من_الواقع