بيتزا تشكن ألفريدو ملكة المعجنات
بيتزا تشكن ألفريدو ملكة المعجنات
المقادير
- العجين :
- كوبين طحين
- ملعقه خميرة فورية
- ملعقه صغيرة ملح
- ماء دافئ حسب الاحتياج
- التغطية:
- كوب كريمة طبخ
- فطر شرائح (مشروم)
- مكعبات دجاج تقريباً كوب او اقل حسب الرغبة
- فلفل ومكعب مرق دجاج
- ملعقة زبدة أو زيت
- جبنة موزريلا
الخطوات
السلام عليكم ورحمه الله وبركاته لأحلى صبايا بالكون بصراحة مو عارف كيف بدي اتشكركن على دعمكن وكلامكن الحلو يلي بعكس حلاوة روحكن
وألف مبروك للصبايا يلي فازو لأنو عنجد بستاهلو كل خير
والتوفيق بهل مسابقه لبقية الصبايا لأنو الكل بيستاهل
بسم الله الرحمن الرحيم
رح بلش بالوصفة
اول شي ح نقوم بالعجن زي ما بنعجن اي عجينه ونتركها تتخمر تقريباً ساعه وبعد ما تخلص من العجين بنجهز الكريمه
بنسيح الزبدة وبنضيف المكعب المرق والفلفل والفطر وبنحركهم شوي ع النار وبنضيف كريمة الطبخ ع نار هادئة مع التحريك المستمر بس يغلي بنطفي تحتو وبنتركو حتى يبرد
قطع الدجاج حنقليهم بشويه زيت وملح وفلفل لحتى يستوو
بعد ما تتخمر العجينه بندهن صينيه دائريه بالقليل من الزيت وبنمد العجينه مع رفع الأطراف وبالشوكة بنعمل كم ثقب وبنضيف الكريمة
وبعدها بنرشها بالجبنة لكل الوجه وفوق الجبنه قطع الدجاج المحمرة وبنسويها بالفرن ع درجة حرارة عاليه حتى تستوي وبنحمرها وصحة وعافيه اسفة لأني ما قمت بتصوير الوصفه من البداية
ان شاء الله تعجبكم ولا تنسوني من الدعاء
