بسبوسة الشعيريه 3 طيبه وسهله وطعم ولا أروع

المقادير

• كوب سميد ناعم
• كوب حليب بودره
• نص كوب سكر
• نص كوب ماء
• نص كوب زيت ذره
• علبة قشطه 170 غ
• م.ك.بكنج باودر
• م.ص.فانيلا
• شعيريه باكستاني
• للتسقيه : قطر او حليب مكثف محلى

الخطوات

السلام عليكم ويسعد أوقاتكم بالخير

اليوم بقدملكم وصفه طيبه وبسيطه للبسبوسه وبكمل معكم سلسة البسبوسه يلي بلشتها من فتره

وصفة اليوم بسبوسة الشعيريه وكثيير طيبه وسهله وبسيطه ان شاء الله تعجبكم وتجربوهاا

يلااا نشوووف الطريقه ……

& بنخلط المواد الجافه سوا السميد والحليب والبكنج والفانيلا والسكر وثم بنضيف الماء والزيت والقشطه وبحركهم مزبوط لحتى يتجانس الخليط وبضعه بصينيه وسط مدهونه بالسمنه او الزيت وبرش عالوجه الخليط شعيريه باكستانيه وبدخلها عالفرن محمى مسبقا عالدرجة حراره 180 لمدة 30 دقيقه تقريبا عالرف الثاني من الفرن او الاوسط وبعد ما تستوي بريحها عشر دقائق وبعدين بسقيها بالقطر الدافي

وممكن نسقيها بحليب مكثف محلى كثير زاكي معها بدل القطر

القطر : كاسه ونص سكر وضفت عليهم كاس ماء وبعد ما يغلي بضيف عليه عصرة ليمون وبتركه يغلي لمدة 8 دقائق (قوامه بكون وسط)

بعد ما تتشرب القطر بقطعها وبقدمها وصفه رااائعه وسريعه اذا كنتي في حاجه تعملي حلوو عالسريع بنصحك بالوصفه

صحه وعافيه مقدما

دمتم بكل الخير