مربى القرع او اليقطين

المقادير

• قرع الحجم يلي بناسبكم في صغيره وفي كبيرة
• سكر
• ربع معلقه ملح الليمون
• كلس لنقع القرع او اليقطين
• ونكهة يلي بتحبوها انا ضفت هيل مطحون وفي ناس بضيفو قرفه

الخطوات

اول شي بنقشر القرع او اليقطين ونقطعه لمربعات بعدين مندوب الكلس وبنخليه ليرسب وبناخد المي البيضه بس يلي فوق وبننقع القرع فيه لمده ٤ او ٦ ساعات بعدين نغسل القرع ونصفيه كويس لبين ما نغلى القطر ….. هلق القطر كل صحن قرع بدو صحن ونص سكر ونص صحن مي ونضيف بلطنجره وع غاز وما ننسى الملح الليمون منشان ما يسكر معنا القطر بس غلى القطر نضيف القرع ونحرك شوي ونتركه لحتى يستوى ليصير لونه على صفار غامق ويصير من جوا مليان قطر ونضفلو النكهه يلي بتحبوها ونطفى النار عليه ونتركه لحتى يبرد بعدين نحطو بمرتبان هو والقطر وكل ما بدكم منو حطو بطحن وزينوه بلجوز الهند وطعمو كتير طيب وان شاء الله يعجبكون