سينابون ملكة المعجنات
سينابون ملكة المعجنات
المقادير
- خمس كاسات طحين
- اربع معالق كبار سكر
- رشة ملح
- ربع كوب زيت
- معلقتين كبار زبدة
- حليب دافي كوبين
- معلقتين كريمة بودرة
- معلقة كبيرة فانيلا
- معلقة كبيرة بكنغ باودر
- للحشوة:
- ١٥٠ غرام زبدة بحرارة المطبخ
- معلقتين كبار قرفة
- معلقة كبيرة كاكاو
- خمس معالق كبار سكر
- صوص الجبنة صوص الدمار الشامل:
- ست مكعبات جبنة المراعي بالقشطة او اي نوع جبنة كريمي
- معلقتين كريمة بودرة
- معلقة صغيرة فانيلا
- نص كوب كريمة طبخ
- ربع كوب سكر ماء حسب الحاجة
- صوص الشكولاتة هاد الصوص الاشبه ما يكون نوتيلا مخففة رااااائع:
- مقدرا كمشة اليد بندق محمص ودافي
- ثلاث معالق كبار كبار كاكاو مر
- نص كوب سكر
- ربع كوب زيت
- نص كوب كريمة طبخ ما حسب الحاجة ممكن ربع كوب اقل او اكثر حسب كيف بتحبي كثافة الصوص
- صوص الكراميل الاكثر واكثر من رااااائع:
- كوب سكر
- كوب الا ربع كريمة طبخ اذا بتحبي تخففي بتزيدي القليل من الماء
- معلقة صغيرة فانيلا لتعزيز النكهة وممكن ما تحطيها
الخطوات
السلام عليكم صديقاتي العزيزات هالوصفة لولا غلاتكم عندي ما كنت نزلتها بس ما قدرت لازم تتلذذو بالمكس الرااااائع تبع الصوصات والعجينة القطنية والقرفة اشي خيااااال والله اطيب من احسن الكفيهات ورح تعملي كمية تكفيكي شهر هههههههههههه اما الريحة بالبيت ولا احسن معطر جو والدفى الي رح تكتسبي من الخبز والطاقة بس تاكلي رح تنبسطي كتييييير فيها بس لحظة انا غير مسأولة كن كل كيلو رح تزيدي من ورا هالقنبلة
ويلا بينا ع العمل
اول شي بحط الحليب والزيت والسكر والخميرة بخلطهم مع بعض والطحين والكريما والفانيلا والبكنغ باودر والملح بخلطهم مع بعض وبعدين بنزل خليط الطحين على خليط الحليب وبعجن كتير منيح حتى تتكون عجينة دبقة ومتجانسة هون بنزل عليها الزبدة الي بحرارة المطبخ وبعجنها حتى تتشكل معك عجين متجانسة ملسة وطرية وفيها القليل من التلزيق هون بتركها ترتاح عشر دقايق وبعدين بجهز الحشوة بخلط القرفة والسكر والكاكاو مع بعض وبعدين برش شويت طحين على طاولت العمل وبقسم العجين على قسمين باخد قسم وبحطو فوق الطحين الي رشيتو ع الطاولة ورش رشة بسيطة من الطحين ع وجة العجينة كمان وببلش افرد حتى تصير بشكل مستطيل برتفاع واحد سم وبعدين بجيب الزبدة بقسمها من النص وبفرد نصها ع العجينة وبترك اخر العجين من الطرف حتى نقدر نسكرها وبعدين برش الخليط تبع القرفة بالتساوي
وبعدين ببلش ابرمها واشدها مزبوط عشان تكون متماسكة وما تفتح معك بس تحطيها بالصينية وبعدين بتقطعيها بالحجم الي بناسبك انا هالمرة عملتها حجم اصغر من الي بعملها دايمآ وبعدين بصفهم بالصينية الي حاطلها ورق الزبدة او مدهونة بالزيت وبغطيها وبتركها تخمر من ساعة الا ربع لساعة وبعدين بدهن الوجة بكريمة الطبخ او بالحليب وبدخلهم فرن حامي وبس تاخد لون من الاسفل بحمر وجها وبطلعها وبتركها تدفى وبقدمها مع الصوصات دافية وتلذذذذذذي بالطعم الرهيييييب مع برد الشتا ولا اروع من هيك
هسة نيجي للصوصات
صوص الجبنة
بحط كل المكونات مع بعض وبخلطهم بالخلاط او بالهاند بلاندر مزبوط وبعدين بتشوفي القوام بس ما لازم يكون ثقيل لانو رح يثقل كمان بعد ما تتركي بالثلاجة وهيك الصوص جاهز بكل بساطة
صوص الشكولاتة
بحمص البندق وبتركو يدفى وبحطو بمطحنة البهار وبطحنو كتييير منيح حتى يبلش يطلع زيتو ويبلش يصير متل المعجون باخدو وبحطو بالخلاط او بجاط وبطحنو بالهاند بلاندر طبعآ بحط كل المكونات مع بعض وبخلطهم منيييييح وكمان بتتحكمي انتي بالقوام اذا شفتي ثقيل خففي بشوية مي وبس ببساطة صار جاهز
صوص الكراميل
بحط السكر على نار هادية بدون تحريك حتى يبلش يذوب السكر ببلش احرك حتى يذوب السكر كامل ويصير لونو ذهبي وهون لازم تكوني حريصة حتى ما يغمق لونو ويمرمر معك وبعدين بنزل عليهم الكريمة شوي شوي وانتبهي بهالمرحلة لانو بفور وبطلع بخار كثيف انتبهي على ايدك وضلك حركي لحتى يذوب السكر طبعآ هون بس تنزلي الكريمة رح يكمش السكر لا تخافي رح كلو يذوب وبعد ما تنزلي كل الكريمة ويذوب السكر بشكل كامل اذا شفتي الصوص ثقيل خففي بشوية مي حتى توخدي القوام المناسب وطبعآ كل ما يبرد الصوص رح يثقل معك واذا شفتي بعد ما يبرد ثقل بتقدري تخففي بشوية مي عادي ما رح يأثر شي
وبسسسسس
ملاحظة رقم ١
انا استخدمة كريمة الطبخ بهالوصفة واذا ما توفرت استخدمي الحليب والقشطة بعطيكي نتيجة روووعة كمان
ملاحظة رقم ٢
الكمية هاي بتعمل ٣٠ حبة سينابون وهالكمية هاي بتحطيها بالفريزر اذا ما استخدمتيها كاملة وبس تطلعيها بتسخنيها بالميكرويف او بالفرن وبتحطيلها الصوصات وبتاكليها كأنها طازجة وهسسسة عملتيها
ملاحظة رقم ٣
الصوصات هاي ممكن تضل عندك بالثلاجة لمدة ثلاث اسابيع لشهر وبتقدري تستخدميهم للكيكات وللتحلايات الباردة رووووعة جربيهم ورح تعتمديهم
وهيك خلصت هالوصفة اللذيذة ويااااا رب تكون عجبتكم وبتمنى منكم دعوااات كتييييير يا غاليات
