معكرونة بيتزا
معكرونة بيتزا
المقادير
- 500 غم معكرونة مسلوقة
- جبنة قشقوان
- فليفلة
- ذرة
- فطر
- بصلة مفرومة ناعم
- أربع حبات بندورة مقشرة و مبشورة
- هوت دوغ
- أربع ملاعق صلصة البندورة
- ملعقة كبيرة كاتشب
- زيتون اسود
- رشة ملح
- فلفل اسود
- توم باودر
- أعشاب إيطالية
- مرق الدجاج باودر حسب الرغبة
- رشة سكر
- ربع كاسة مية سلق المعكرونة
الخطوات
بتقلي البصل مع التوم ليذبل بتضيفي الهوت دوغ بعده الفليفلة رشة ملح و فلفل اسود و توم باودر و أعشاب إيطالية
بتضيفي البندورة و صلصة البندورة ورشة سكر و الكاتشب و بتقلبيهم
بتضيفي المية وبتتركيها تتسبك وتغلي اخر شي الزيتون و الذرة والفطر و بتسكبيهم على المعكرونة مع رشة جبنة وبتدخليها الفرن
طريقة 2
بتسلقي المعكرونة
بتقلي بصل مع توم و فليفلة ليذبلوا
بتضيفي البندورة مفرومة مع صلصة البندورة ورشة سكر و ملح وفلفل اسود و أعشاب إيطالية و مرق الدجاج باودر وبتقلبيهم
بتحطيهم بالخلاط مع شوية مية و بترجعيها على الغاز لتغلي و تتسبك بتسكبيهم على المعكرونة و بتوزعي فوقها سنيورة، فليفلة، فطر، ذرة ورشة جبنة وبتدخليها الفرن
#بالهنا_والشفا
