فخارة الفلافل
فخارة الفلافل
المقادير
- للحشوة:
- جبنة قشقوان
- للعجينة:
- نص كيلو حمص يابس منقوع لمدة ليلة كاملة
- بصلة كبيرة مفرومة
- تلات سنان كبيرة توم مفروم
- نص كاسة بقدونس
- ربع كاسة كزبرة
- رشة ملح و فلفل اسود و بهارات مشكلة
- ملعقة صغيرة كمون و كزبرة
- رشة توم و بصل باودر
- رشة خفيفة كركم وعين جرادة
- ممكن اضافة نص قرن فلفل أخضر حار
- ملعقة صغيرة بيكنغ صودا
- للتزين:
- سمسم
الخطوات
بتغسلي الحمص وبتصفيه، بتطحنيه وبتضيفي له البصل و التوم و البقدونس و الكزبرة وبتطحنيه مرة تانية لينعم ويصير عجينة
بتضيفي البهارات وبتعجينها اذا كانت جامدة بتضيفي لها ملعقة مية حتى تتطرى، بتذوقيها ان بدها كمان ملح
بتضيفي البيكنغ صودا وبتريحيها ربع ساعة
بتدهني الفخارة بزيت زباتي بتفردي العجينة و بتحشيها كمية منيحة من الجبنة و بتفردي باقي العجينة بتحطيلها رشة زيت نباتي و سمسم وبتدخليها الفرن لتستوي بعدها بتحمريها
بالهنا والشفا يارب
