طريقة الفروج المشوي بسيطه وطيييبه

المقادير

• دجاجتين كاملات
• محلول نقع الدجاج :
• نص كوب ملح
• ربع كوب سكر
• ربع كوب خل
• شرائح ليمون
• حبات من القرنفل
• لتتبيلة الدجاج :
• ملعقه ونص كبيره ملح
• م.ص.فلفل اسود
• م.ص.كاري
• م.ص.بابريكا حاره او م.ك.بابريكا حلوه
• م.ص.بهارات دجاج
• كوب الا ربع صغير زيت ذره
• للتقديم :
• سلطه
• خضار مشويه
• صوص

الخطوات

السلام عليكم ويسعد أوقاتكم بالخير

بقدملكم اليوم وصفه رهيييييبه للفروج المشوي

طعم رااائع وذايب ذوب وبأسهل الطرق

جربوها وأحكمو بنفسكم ان شاء الله بتعجبكم

يلااا نشووف الطريقه ……

& بنقع الدجاج من قبل بيوم بمحلول النقع بضع كميه من الماء وعليها السكر والملح والخل وشرائح الليمون والقرنفل وبحركهم وبضع فيهم الدجاج وبتركه لثاني يوم بالثلاجه او اقل شيئ 6 ساعات ممكن بس قبل بيوم افضل

المحلول بسحب كل الزفره من الدجاج وبساعد عالاستواءه بشكل اسرع

انا ما صحلي انظف الدجاج قبل النقع فنقعته وثاني يوم نظفته قبل التتبيل وبالفعل ولا اي ريحه فيه لدجاج من المحلول الرهيب

& قبل ما ابلش بتتبيل الدجاج بثقبه بالشوكه من كل الاماكن،، وبنتبل الدجاج، بخلط البهارات مع الزيت وبتبل فيهم الدجاج من جميع الجهات ومن الداخل وبين الجلد وبضعهم بصينية وبضع عليهم الباقي من التتبيله وضعت معهم ورق الغار وبغلفهم بقصدير ( الافضل اضافة ورق زبده تحت الدجاج وفوق الدجاج قبل القصدير اذا موجود عندكم ) وبدخلهم عالفرن محمى من قبل عالدرجة حراره 200 عالرف الاول من الفرن وبتركهم ساعه وبعد سااعه بفتح عليهم اذا كان لسى مو مستوي بترجعيه لحتى يكمل سواه واذا كانت المي متنشفه بضيفله كوب صغير ماء ساخن وبرجعه يكمل سواه

& بعد ساعه فتحت عليه لقيته ذااايب بمعنى الكلمه

ومو بحاجه الا للتحمير ..بنحمره من الجهتين وخلال التحمير بضل ادهنه من الصوص يلي بالصينيه بعطي لون حلو وما بنشف الدجاج

وعند التقديم برجع ادهنه عشان يعطيه لمعه حلوه

وهيك الفروج صار جااهز قدمته مع الخضار المشويه والسلطه والصوص

& الخضار المشويه بتبلهم بملح وفلفل اسود وبابريكا وخل وزيت وبضعهم بصينيه وبضع عليهم كوب صغير ماء وبقصدرها وبدخلها عالفرن لحتى يستوو

الصوص : خلطت ماينوز وكاتشب وخردل وبابريكا الكميات حسب الرغبه بعتمد عالذوق بخلطهم مزبوط صوص سهل وكثييير طيب

ان شاء الله بتعجبكم الوصفه بالفعل هالطريقه للفرووج كثير طيبه ولا ازكى من هيك الصراحه ومستوي وذاييب وطريقه سهله وبسيطه ما فيها تعقيدات ولا خطوات كثيره وبنفس الوقت بناخذ طعم راائع

دمتم بكل الخير