سمبوسك او السمبوسة بحشوة اللحمة وحشوة الجبنة بأسهل طريقة ملكة المعجنات

المقادير

• 3اكواب طحين
• ربع كوب زيت
• رشة ملح
• ماء للعجن

الخطوات

السلام عليكم ورحمة الله

حبيت شارك معكم طريقة السمبوسك بما أنو مختصرة للوقت ومااخدت شغل معي وطعمها وقرشتها بتجنن

بسم الله الرحمن الرحيم يلا نبلش

بوعاء نضع الطحين والملح والزيت ومنبسهن براحة إيدنا منضيف عليهم الماء شوي شوي ومنعجن حسب الحاجة ليصير عنا عجينة طرية

مابتلزق باالأيد منخليها ع طرف مدة نصف ساعة ترتاح ومنجهز الحشوة يلي منحبها

بالنسبة لا إلي أنا حشيتها حشوتين لحمة وبصل وجبنة مزريلا

بعد ماترتاح العجبنة منمدها بالشوبك ومنقطعها دوائر ومنحشيها حسب الرغبة

ومنشكلها بالشكل يلي بتحبو

وبس نخلص الكمية منقليها بزيت( حامي وغزير )

بتمنى تجربوها وتعطوني رأيكن بالتعليقات

وصحتين وهنا ع قلوبكم❤