حلى النجمة بطعم لذيذ وشهي ملكة المعجنات
حلى النجمة بطعم لذيذ وشهي ملكة المعجنات
المقادير
- كوبين طحين
- كوبين سميد ناعم
- ملعقة صغيرة خميرة
- ملعقة صغيرة بيكنج بودر
- رشة ملح
- نصف كوب زيت
- ملعقتين سكر
- كوب ونصف حليب دافئ للعجن
- 8 قطع جبنة مثلثات للحشوة
- قطر او شير باردة
الخطوات
السلام عليكم ورحمة الله كيفكن ياصبايا
اليوم اخترتلكم حلى النجمة سهل وسريع ولذيذ بنفس الوقت بتمنى تجربو وتعطوني رأيكم
بسم الله الرحمن الرحيم
يلا نبلش
في وعاء نضع الطحين والسميد
والبيكنج بودر والملح ومنحركن سوا
منضيف الزيت فوقن ومنفركن ب ايدنا
منضيف فوقن الخميرة والسكر ومنعجن بالحليب الدافئ ليتشكل عندي عجينة طرية مابلزق الايد
نتركهم يختمرو لمدة ساعه ع جنب
بعد ساعة منبلش شغل فيها
منفرد العجين بالشوبك ومنقطعها دوائر
الشكل يلي بيناسبنا
منحشي بداخلها الحشوة
جبنة المثلثات انا اخدت معي العجينة
8 قطع جبنة
ومنسكر الدائرة من النص
ومنرجع منسكر مرة تانية من النص
متل ماواضح بالصور ليصير عنا شكل نجمة
وبعد ماتخلص كل الكمية
ع النار نضع زيت (حامي وغزير ) للقلي منقليهم ليصيرو عنا باللون الذهبي
نضعها بالقطر البارد ونقلبها ومنصفيها من القطر بوعاء ثاني
ملاحظة صغيرة هالنوع من الحلى منقدر نستخدم الحشوات يلي بتحبوها ازا بدكم تحشو (قشطة او جوز وقرفة ) وكل الحشوات بتلبقلها للنجمة😍
واخر شي صحتين ع قلوبكم حبيباتي
لاتنسوني من صالح دعائكم إلي ولعيلتي💐
