طريقة عمل السمنه من لية الخروف او شحوم الذبائح على طريقة امي الله يرحمها..ملكة المطبخ

المقادير

• كميه من الشحوم او الليه
• ملح
• عصفر

الخطوات

السلام عليكم ورحمة الله وبركاته

كيفكم حبيبات قلبي اشتقتلكم كثير واعذروني على الغياب الظروف كانت اقوى مني لكن مكانتكم بالقلب كبيره

حبيباتي الغاليات جبتلكم وصفه سهله وبسيطه للي بتحب تجربها مع اني بعرف انها غريبه على جيلكم لانه تعودنا وسمعنا كثير انه الدهون والشحوم مضره للجسم لكن العكس صحيح بعد اكلها شوية حركه ورياضه بكون الجسم حرقها واستفاد منها والدهون كنز بالبيت ربنا سبحانه وتعالى حرمها على بني اسرائيل لعظم فائدتها حبيباتي هذه الوصفه لا تستعمل للحلويات للطبخ والمحاشي فقط

تعالو نشوف الطريقه ان شاء الله تنال اعجابكم

بحضر كميه من الدهون او الليه وبقطعها قطع صغيره بطنجره على نار هادئه جدا وما بغطيها ابدا وبخليها على العين البعيده عن الاطفال مع التحريك كل فتره بسيطه بعدها بلاحظ انها ساحت وبدأت بقايا قطع الدهون تتحول للون الاشقر بطفي الغاز وبضيف الملح والكركم وشوية فلفل اسود ومعلقه صغيره من بهارات السمنه البهارات والفلفل اختياري وبتركها تهداشوي وبصفيها وبتركها تبرد وبعبيها بمرطبان وبتقدري تستخدميها بالطبخ وللمحاشي مع قلاية البندوره كثير طيبه وصحيه

وحثل الدهون الي حصلنا عليه بتستخدميه حسب الرغبه اله عدة استخدامات بتقدري تاكليه عادي بالخبز او تستخدميه بالمحاشي وقلاية البندوره..وبتقدري تحتفظي فيها داخل الثلاجه او خارجهاوبتضل فتره طويله ما بتخربهذه الوصفه خالصه لوجه الله لعشاق الدهون الصحيه ان شاء الله تنال اعجابكم

استودعتكم لله يا اغلى اخوات