قطايف بالقشطة شغل ايدي واطيب من الحاهز

المقادير

• كاستين طحين
• كاسة سميد ناعم
• ملعقتين كبار حليب بودرة
• ملعقة كبيرة سكر
• ملعقة صغيرة محلب مطحون
• ملعقة كبيرة بيكن بودر

الخطوات

بسم الله الرحمن الرحيم

السلام عليكم يسعد اوقاتكم

انا حطيت مقادير الناشفة بدون المي ورح اعطيكو مقدار المي بالطريقة

بنخلط المقادير الناشفة كلها مع بعض وبنرل عليهن ثلاث كاسات مي دافية بخلط منيح انا استخدمت خلاط الكوكتيل وبتركهن ربع ساعة

وعلى جنب بذوب ملعقة كبيرة كربونات الصوديم

بنص كاسة مي وبنرلها فوق العجينة وبخلطهم منيح وبريحهم نص ساعة وبنصبهن على مقلاة تيفال غير لاصقة عانار وسط احتمال اول قرص يخرب لحتا تزبطي حرارة المقلاة وبس تنشف وجه العجينة وتحمر الارضية بنحطها على بشكيرة المطبخ ونغطيها

بالنسبة للحشوة يلي بتحبي انا حشيتها حليب بحطو عالغاز وبس يبلش بدو يغلي بحطلو ملعقين خل ابيض وبتتكوني عندي القشطة بصفيها منيح وبتركها تبرد

وبالنسبة للقطر يكون بارد ثقيل كاسة ونص سكر وكاسة مي وملعقة صغيرة عصير ليمون وان شالله تعجبكم وصحة وهنا