باميه باللحمه مع الارز الابيض ملكة المطبخ
باميه باللحمه مع الارز الابيض ملكة المطبخ
المقادير
- كيلو باميه
- لحمه حسب افراد الاسره
- 4 حبات بندوره حمره
- معلقتين صلصه
- سنين ثوم او اكثر
- فلفل اسود حسب الرغبه
- معلقة كزبره صغيره
- ملح حسب الرغبه
- زيت للطبخ
الخطوات
بسم الله الرحمان الرحيم
السلام عليكم
يسعد اوقاتكم جميعا حبيباتي اليوم رح اقدملكم طبخة الباميه على طريقتي مع اني قدمتها مسبقا بطريقه رائعه لكن بحكم المسابقه حبيت اقدمها مرة ثانيه بالباميه المفررزه
تعالو نطبخها مع بعض يمكن لمساتكم تعطيها طعمه اطيب واحلى
اخواتي بداية بحضر كل ما يلزم حتى يكون العمل اسرع
اول شي بسلق اللحمه وبشيل الزفر عنهاوبضيفلها شوية ورق غار وشويه بصل مفروم ولما تقرب تستوي بملحها وبرشلها شوية فلفل اسودوبطفي عليها الغاز وبطلعها من الشوربه وبصفي الشوربه
بطنجره تانيه بفرم راس بصل ناعم مع شويه من الزيت وبقلب الباميه تقليب وبضيفلها اللحمه وشوية من شوربة اللحمه وبتركهم على نار متوسطه وقبل ما تنضج بضيف البندور المقشره والمعصور والمصفيه مع معلقتين الصلصه طبعا الصلصه حسب الرغبه واللون الي بتحبيه وبتفقد الملح والفلفل وبرش رشة كزبره صغيره وبقليها بالثوم بعد ما تنضج او بضيف الثوم مهروس مع البندوره وانا ما بحط بهارات لانها بتغير طعمة الباميه وبقدمها مع الارز الابيض والسلطات والمخللات والف صحه وهنا
ملاحظه ما تحركي الباميه كثير اثناء الطهي لانها حساسه وبتتفتت منك وبصير منظرها غير لائق حركيها بلطف
ان شاء الله تنال اعجابكم يا قمرات
استودعتكم لله
