نمورة او هريسة شي فاخر من الأخر
نمورة او هريسة شي فاخر من الأخر
المقادير
- 3 أكواب سميد وسط
- كوب ماء
- نصف كوب لبن زبادي
- ثلاث ارباع الكوب سكر
- ملعقة بيكنغ باودر
- 3 ملاعق قطر
- 3 ملاعق سمنة
- قطر بارد محضر مسبقاً
الخطوات
السلام عليكم ورحمة الله كيف حال الصبايا
اسفة ع التقصير معكم لأنو
خالي توفى رحمه الله
بتمنى من كل صبية بتمرق من هون تترحم عليه وتقرأ الفاتحة عن روحه وعن روح اموات المسلمين
بسم الله الرحمن الرحيم
يلا نبلش
بوعاء نضع السميد والسمن ونبسهم ب ايدنا
منضيف فوقهم البيكنغ بودر ونخلطهم سوا
في وعاء أخر نضع اللبن والسكر ونحرك ونضيف الماء والقطر ونحرك ليذوب السكر تماماً
منضيف المكونات السائلة فوق المكونات الجافة ومنحرك المكونات سوا ليتجانسو
مندهن صينية الفرن طحينة وسمنة
ومنفرد عجينة الهريسة ومنتركها ساعة لترتاح
بعد مرور ساعة منزينها بالمكسرات يلي منحبها
وع فرن محمى مسبقاً (أعلى وأسفل) مع المرقبة مدة نصف ساعة ليتحمرو الاطراف منطلع الصينية ومقطعها مربعات ومنرجعها ع الفرن ليتحمر الوجة منطلع الصينية ومنسكب القطر المحضر مسبقاً ونتركها لتبرد ع الأخر مشان ماتفرط معنا
وصحتين وهنا ع قلوبكم الحلوة
