طريقة الأرز بحليب سهله وطييبه بالاجواء الشتويه ملكة الطبخ
طريقة الأرز بحليب سهله وطييبه بالاجواء الشتويه ملكة الطبخ
طريقة الأرز بحليب سهله وطييبه بالاجواء الشتويه ملكة الطبخ
المقادير
- كوب ارز مصري قصير الحبه
- اربع اكواب حليب سائل
- كوب الا ربع سكر او حسب الرغبه
- علبة قشطه
- نكهة الورد او ماء الورد او فانيلا
- قرفه مطحونه للتزين
الخطوات
السلام عليكم ويسعد اوقاتكم بكل خير
الوصفه اليوم من وصفاات اياام زمان وبتمتاز بحضروها بالاجواء الشتويه وطريقتها كثيييير سهله وبسيطه وبنفس الوقت طعم زاكي وطيب وبدون استخدام النشاا،، ان شاء الله بتعجبكم طريقتي وبتجربوها
يلاااا نشوووف الطريقه …..
& بغسل الارز وبصفيه وبضع عليه اربع اكواب حليب وبتركهم منقوعين من ساعتين لاربع ساعات اربع ساعات افضل ..انا كنت مستعجله فنقعته بالحليب فقط ساعتين …
( ممكن وضع اربع اكواب ماء وعليهم كوب حليب بودره وملعقتين،، ما يعادل 12 ملعقة حليب انا حبيت ازيد طعم الحليب فيه ..ممكن وضع لكل كوب ماء ملعقتين حليب ما يعادل 8 ملاعق حليب بس بكون خفيف طعم الحليب عشان هيك زدت كميته ..وممكن استخدام الحليب السائل الجاهز )
& بعد ما يخلص وقت النقع بضعه عالغاز عالنار اقل من الوسط مع التحريك المستمر لحتى يغلي وبضع عليه السكر وبحرك لحتى يذوب السكر وبعد هيك بضل احرك كل شوي ما بتركه فتره طويله بدون تحريك عشان ما ينحرق …وبنستمر بطبخه لحتى يثقل قوامه ويستوي الارز
أخر شي بضع عليه علبة القشطه ونكهة الورد وبحركهم وبتركهم يغلو كم غلوه وبعد هيك بصبها بكاسات التقديم او الصحون وبزينها بالقرفه المطحونه ..ااكيد التزين اله خيارات كثير مثل جوز الهند او الفستق الحلبي او اي نوع مكسرات وساده بدون تزين زااكي بكل حالاته هههه
&ممكن التقديم سااخن كثير زااكي وممكن بارد
بعد ما يصبح بدرجة حرارة المطبخ بدخله عالثلاجه ..وصحه وعاافيه
دمتم بكل الخير
