منسف باللحمه ملكة المطبخ
منسف باللحمه ملكة المطبخ
المقادير
- لبن جميد شنينه او لبن رايب
- 3 كيلو لحمة خروف
- اربع كاسات ارز قصير الحبه
- بصل
- ورق غار
- فلفل اسود او ابيض
- قليل من البهارات
- ملح
- خبز شراك
- لوز
- بقدونس للزينه
الخطوات
السلام عليكم
بسم الله الرحمان الرحيم
الله يسعد اوقاتكم يا غاليين حبيباتي ان شاء الله تكونوا جميعا بالف خير
المنسف وما ادراك ما المنسف يمكن نزلته عدة مرات بلحمه ودجاج لكن بجكم المسابقه حبيت انزله كمان مره لانه صارلتا سنين بزاكي وبصراحه ما ضلت طبخه شعبيه تعتب علينا وصارو يتكررو معنا الطبخات الاصليه الي متعودين عليها ان شاء الله يكون هذا العمل خالص لوجه الله ونستفيد من خبرات بعض
المنسف الاردني من الذ الاكلات والمنسف الاصلي يطبخ بالجميد ويقدم مع الارز الابيض والشراك ويزين بالصنوبر لكن يقدم الان بعد انتشاره باشكال مختلفه حسب الاذواق وحاليا تخيلو يقدم بالكاسات
تعالو نشوف الطريقه الي كلكم بتعرفوها لكن بينا اختلافات بسيطه
اول شي بحضى جميع المواد لسهولة العمل بداية بشطف اللحمه من الدم او اي شيء عالق فيها وبضعها على النار مع الماء البارد حتى يخرج منها كل الزفر هذه طريقة المطاعم وعن الغليان بتخلص من الزفر بالكامل لانه بتجمع على وجه االطنجره وبمون فرمت الصل فرم خشن وبفركه بالفلفل الاسود او الابيض وبنزله على الطنجره مع ورق الغار وفي ناس بطبخوه مع اللبن على طول وقبل ما تنضج اللحمه بربع ساعه بنزل الجميد بعد ما نقعته طبعا ومرسته وصفيته وخلطه مع الشنينه وضفتله شوية نشا على البارد وحركته وغليته على النار مع التحريك المستمر وبتركه يغلي مع اللحمه حتى تنضج وبضيفله قليل من الملح لانه الشنينه والجميد مالحين راعي هذه النقطه وبقدمه مع الارز المفلفل بحضر سدر وبضع فيه خبز الشراك وبفرد فوقه الارز وبعدين اللحمه وبزينه باللوز او الصنوبر وبقدمه مع الشوربه والف ضحه وهنا
لاتنسو انه عشق للجميع ومهما اعملناه بضل الطلب عليه جاري
الف صحه وهنا
استودعتكم لله عزيزاتي الغاليات
