طفلي ليس متوحد للكاتبة جمايكا احمد

#طفلي_ليس_متوحد

.

#للكاتبة_جمايكا_احمد

.

.

الجزء الاول ..الثاني الثالث.. ضفت الرابع والخامس والسادس السابع والثامن والاخير

.

.#عبير:- لك اختي ليش ابنك هيك عدواني ومابحب يلعب مع اولادي ليكون قرفان ..

.

#سلوى :-لا ياقلبي والله بكون مدايق من شي ..

.

#عبير :- لاتسلبيها علينا ابنك من عمروا كان 3 سنين وهو من يشوف اولادي بيهرب ومابحب يلاعبهن ..

.

#سلوي :- لا اله الا الله اختي استني … لك عبدالله عبدالله شو يا ابني مابدك تسمع ..استني رايحة اجيبو لتحكيه ..

((مرحبا انا سلوى عمري 28 سنة وعندي طفل واحد هو عبدالله .. انا جبت قبلو 2 بس ماعاشو يوم الميلاد كان مايفوت يوم الا الله يرحمهم يموتو ..عصافير بالجنة ..حالتي النفسية تعبت بحملي بعبدالله لان كنت اعرف مصيروا متلو متل اخواتو ..

كنت دائما بحملو على مشاكل مع زوجي واهلو ..وخاصة لما طلبو انو يزوجوه …وهاد اللي حصل …عبير بتكون ضرتي ..انا معاملتي معها كانت من البداية منيحة فرضت احترامي عليها ..واحترمتني صح بتغار اوقات وبتحصل مشاكل بس علاقتنا اوقات ننجبر عليها ..بسبب قوة شخصيتو لزوجي وعيلتو ..يعني مجاملة ..كنت احس انو في اشياء مخبية تحتها وعم تعملي مشاكل ..بس ما كنت اعطيها اهتمام ..كان همي خلص جامعتي وقتها وماني فاضية لجهلها …

.عبير على طول اولادها عندي وعلى طول ماعندها اي شغلة او عملة غير انها تجيب اولادها ليلعبو بالبيت ..كنت اعرف انها مابتحب اولادها 4 يخربو البيت تبعها …كانت تقضي نهارها لعندي ومن يجو ينامو اولادها تطلع لبيتها …اتحملتها لانها كانت تبان قدام زوجي وعيلتو انها حبابة وادمية..على العموم هي مانو موضوعي … بحملي بعبدالله اتزوج زوجي عبير .. انا يوم ميلاد عبد الله كنت متوقعه اني ودعو كالعادة بس الحمد لله ابني مر عليه هلاء 6 سنوات الله يحميه لالي والله روحي متعلقة فيه ….وبخاف عليه من الهوا الطاير .. جوزي ماكان يهتم بعبدالله كتير مع انو هو بكروا …كان مايل لإبنو جبر .. من ضرتي عبير…

انا ماكنت اهتم لهشي ..بس ابني على طول يلاحظ اهتمام ابوه باخواتو وهو قليل …

. هلاء.. الشخص الوحيد اللي اعتنى بإبني هو حماي جدو لعبدالله …. الله يعطيه طول العمر…

.

كان على طول ياخدو معو لكل مكان مو بقولو ما اغلى من الولد الا ابن الولد… عمي كان يجي يقلي انو كتير مؤدب ومابعزبوو عند الناس بس كان يقلي انو مانو اجتماعي مابحب يقعد مع العالم .. كان سببي دايما انو الولد بس على جدو وامو بوالف وبقالش …واعتذر للناس عن انطواء ابني ..

.

#سلوى :- امي عبود حبيبي ليش قاعد لحالك بالغرفة …تعا اخواتك بدهن يلعبو معك ..

.

.#عبدالله :- ما بدي ..

.

.#سلوي :- ليش امي اخواتك عم يلعبو تعا …

.

(كمشتو لابني وطلعتو معي برا الغرفة ابني لزق فيني وخبى وجهو بتيابي ..

.

#عبير :- يييي بيخجل متل البنات لك عبوود شد حيلك صير راجل متلو لجبر ..

.

#سلوي :- ابني راجل صح حبيبي عبودة ..

.

#عبير :- اي وليشو بخبي وجهو هيك …لك عبود شوف جبر شلون شطور …

.

.#سلوي:- اي وعبد شطور …

.

#عبير:- لاء شلون شاطر لك اسمعت انو سئ بالمدرسة والاستاذة بشكو من عنادتو وماعم يسمع الكلام ماعم اتابعي انتي ابنك …

.

.

((ابني شد على حواجبو وعيونو غليو وقام بسرعة من المكان انا بعرف انو ابني سئ بالمدرسة بس مو معناه انها تعايرني انا حاولت بكل الطرق ساعد ابني بس ماكان في فايدة….

.

.

#الجزء الثاني ..

.

((ابني كتير استيعابو ضعيف وماعم يسمع منيح والكلام عم ينطقو بصعوبة .. واوقات بنقل الكلام من السبورة غلط ..بعدو بالصف الاول ..وبعدها المدرسة جديدة والكل عم يشكي من ابني اللي على طول عم يرسم شغلات مانها مفهومة وماعم يرد على استاذو …

.

#سلوى :- ماما تعا جدو عبدالله هيوو عنا جايبلك هدية ..

.

(قام ابني يركض على جدو..اللي مافي غيرو يوقف معي لافهم ليش ابني هيك …..

.

.#جدو:- ياعمي لاتستعجلي على الولد بكرة بتعلم وبفهم وبيقرأ منيح بعدو صغير ..

.

#سلوى:- بس ياعمي والله مليت من نقها لعبير عن ابني صرت انا وابني نكره جيتها .

.

#جدو :- يعني ياعمي والله شايف وعارف الله يهديها ..شو جدو مانك حابب تقعد بحضني ولاكبرت وصرت رجال ….

.

.#عبدو :- جدو انا احبك انت وماما شوف هاي انا رسمتا ..

.

.#جدو :- ياعيني شو هالحلاوة وهالرسم الحلو حفيدي اشطر ولد بالكون …

.

.((ابني من يسمع كلام جدو يبلش يلعب وينط وهو فرحان …

.

.#جدو :- سلوى جوزك مابجي لهون ..

#سلوى :- بيجي عمي من يجي يشوف اخبار قال مابحسن من مرتو بدها تحضر مسلسلاتها وانو طول اليوم اولادها معذبينها …

.

.#جدو :- لا حول ولاقوة الا بالله بيعطيكي ياعمي مصروف لالك ولعبدالله ..

.

#سلوى :- يعني الحمد لله …بيعطيني اجيب اكل للبيت ..

.

#جدو :- خدي ياعمي اشتري لالك تياب جديدة ولعبود تياب والعاب جديدة ..

.

.#سلوى :- هات ايدك عمي بوسها الله يخليك على راسنا والله وجودك ياعمي مريح قلبي …

.

.#جدو :- طيب ياعمي انا رايح هلاء وبكرة بمر اخد عبود مشوار …

.

.((بعد ماطلع عمي من هون فات جوزي كالعادة ليشوف اخبار …كان ابني عم يشوف رسوم متحركة قام قلعو ابني عاند وماعاد يقبل يقوم ..طلب مني اعملو عشا لان مانو اكل . … انا فتت اعمل لجوزي عشا ..اسمعت ابني عم يصرخ …

.

.

#سلوى :- اسم الله ليش يا إبني عم تصرخ تعا تعا ..

.

((ابني كان عم يزيد صراخو ..وجوزي بيصرخ بقلي شو مالو سكتيه بدي اسمع الاخبار … ابني عم يشد على حالو وعم يكمش دانو ويشد عليها من طفيت التلفزيون بالقوة ابني ارتاح وسكت… هالحال اتكررت اكتر من مرة كل ما يفتح جوزي اخبار يصير يصرخ ..كان من يشوف الحروب والقتل على التلفزيون ابني مايتحمل …..

.

هيك قضيت هالفترة مع ابني …

#سلوى :- امي ليش هيك مخربش على الحيط …

.

.#عبدو :- …….

.

.

#سلوى :- امي عم احكي معك رد عليه …

.

((وقتها ابني دار وجهو على الحيط وسكر اذنو بإيديه مشان مايسمعني وانا عم عاقبو بالكلام …حضنت ابني وقررت اعرف شو السبب اكيد في حد بأذي ابني بالمدرسة ….

.

((تاني يوم وديت ابني بالباص على المدرسة وقعدت خلفو بدون مايعرف اني موجودة ..كنت بدي راقب ابني وتصرفاتو كان على طول الطريق عم يشوف الشوارع من الشباك ..كل الاطفال بالباص بيحكو الا ابني ساكت ومايقبل اي صديق معووو …

.

.

.الجزء الثالث …

.

.وصلت للمدرسة وقعدت مع مدير المدرسة ..

.

.#سلوى :- مرحبا انا ام عبدالله بالصف الاول 2 ..

.

#المدير :- اهلا وسهلا كنا ناطرين جيتك …اول شي تشربي شي سخن شي بارد ..

.

.#سلوى :- لا شكرا كتير انا جيت بناء على طلبك لالي وكمان عندي شوية اسئلة مشان ابني …

.

#المدير :- اي وانا عندي كم سؤال كمان وحابب اسئلك عنهن …

.

.#سلوى :- اي اكيد اتفضل …

.

.#المدير :- حابب اسئلك سؤالي الاول ليش ماعم اتابعي الطفل بالبيت …

.

.#سلوى :- انا يوميا عم اتابعو وعم حسو مابيفهم على الاستاذ وما عم يستوعب شي اكيد طفل بهيك عمر عقلو صفحة بيضة ولازم يستوعب كل شي ..

.

.#المدير :- الطفل جدا عنيد وبيرفض انو الاستاذ حتى يكمشلو دفتروا ..مابحب يكون لالو رفيق او حتى يقعد جنبو احد وعلى طول الوقت سرحان بالحيط او الشباك انا عندي سؤال الطفل بتعرض للضرب شي …

.

.

.#سلوى :- لا ابد ابني ماحد باذية بحرف …

.

.((ختمت حديثي مع المدير وطلبت منو روح شوف ابني وابقى هاد اليوم معو وأراقب تصرفاتو وقتها سمحلي المدير .. وصلت لصف ابني اللي كان قاعد اخر كرسي بالصف وعم يرسم …كل الاطفال عم يلعبو ويشاركو مع الاستاذ الا ابني اللي بقيان وجهو بالورق والحيط … بعدها بوقت قصير دق جرس الاستراحة الاطفال كلهن طلعو الا ابني بقي بالصف .. وقتها دخل طفل تاني دايقو ..وقام ابني بكل عدوانية ضربو ..ابني صار يركض لبرا الصف ..ابني اللي صار يهرب من مكان لمكان بساحة المدرسة لعند ما اتخبى ورا حمامات المدرسة .. ابني قعد هونيك وراسو بين رجليه . اخ يالله ..ما اتحملت منظر ابني ليش هيك بصير فيه …

.

ابني فيو شي حد عم يأذية شي ..من رجع ع البيت بلشت اتفحصو واخدتو على الدكتور خفت ليكون حد متحرش فيه .. بس طمني وقتها الدكتور انو مافي من هالشي … وانو ابني سليم ومعافا الحمد لله ….

.

طلبت اجازة لابني لابعدو عن هيك اجواء مشحونة يومها اجت ضرتي عم تركض على الدرج وكأنا مجهزتلي شي مصيبة جديدة …

.

.#عبير :- لك سلوى سمعتي شو بقولووو .

.

#سلوى :- لاء ومابدي اسمع دخيلك شي عن الناس.

.

#عبير :- بس الحكي عن ابنك عبد الله …

.

.#سلوى :- ابني عبود اسم الله شبوو عبد الله ….

.

.

#عبير :- قال ابنك معاق ذهنيا وعندو خلل براسوو…

.

.

#سلوى :- اخرسي ابني معافى مافيو شي …

..

#عبير :- ليش عم تقليلي اخرسي شكلك عم تقلي احترامك انا جيت خبرك الحكي يلي بقولوه بنات عمك عن ابنك ..وعن جد هاد اللي لاحظناه انو في خلل بعقلو شكلو عندو اعاقة عقلية …

.#سلوى :- دخيل ربك ابني منيح انقلعي …

.

.((قفلت بابي وصرت ابكي على حال ابني اللي كان عم يطلع فيني بحزن…قرب مني وحضني وقتها وهرب على غرفتو …انا قمت البس تيابي لاروح عند دار عمي واعرف ليش هيك بيحكو عن ابني عبدالله …ومن جيت اخد ابني من غرفتو لقيتو كل الحيط مخربشها شغلات فيها سكين ومسدسات واحرف مقلوبة مافهمت شي متل التعويذات …

.

.اخدت ابني لدار عمي …ووقفت قبالهن لاحكي ودمعتي بعيني …

.

.#سلوى :- عمي مرت عمي يابنات هاد ابنكن ليش بتحكو عنو هيك ..

.

#مرت عمي :- شو يابنتي شو حكينا اسم الله عليه …

.

.#سلوى :- عبير قالت انكن بتقولو عن ابني معاق عقليا وانو تصرفاتو هاي سببها اعاقة …

.

.#بنت عمي :- اعوذ بالله يامرت اخي متل ماسمعتي هلاء نحنا اسمعنا ..عبير اجت خبرتنا قال ابو عبدالله هو قايل لالها…

.

#سلوي :- عمي مرت عمي ابوس على راسكن بعدو هالست عن ابني …والله عيشتني بحالة تعبت بسببها …

.

#عمي :- ارتاحي عمي ماحد بحكي عن عبدو اي شي صح ياسيدو يابطل …..

((ابني بقي مع جدو ..يلعب معاه وقتها نادت عليه بنت عمي نسرين لاقعد احكي معها …

.

.#نسرين :- مرت اخي لاتحطي ببالك شي ..هاد ابن اخي والله مو راح اثبت كلام عبير ..بضلو ابن اخي ومابهون عليه فيه وماتزعلي من كلامي …عبود يختي فيه شي ولازم تعرضيه على دكتور ضروري …

.

.#سلوى :- حتى انتي يا نسرين يلي بقول عنك متعلمة وفهمانة …

.

.#نسرين :- خلص انسي انا بكرة اخدي عبود مشوار معي ….

.

#سلوى :- ماعندي مشكلة حبيبتي بس لوين ..

.

#نسرين :- راح نطلع انا وانتي وجدو على مكان راح ترتاحي فيه وتحبيه …

.

.((هاداك اليوم اللي فيه بنت عمي نسرين صحتني على حالة ابني ووعتني اني روح اعرف السبب . وليش حالتو عم تسوء يوم عن يوم ….

.

.الجزء الرابع

تاني يوم جهزت حالي انا ونسرين وعمي ..لنروح

المشوار يلي اتفقنا عليه …من جيت اطلع من البيت وقفني جوزي …

.#ابو عبدالله :- سلوى لوين رايحة انتي والولد

.

#سلوى :- طالعة مع عمي ونسرين …

#ابوعبدالله :- شلون بدك تطلعي بدون ماتخبريني ..بعدين انتي شو عامله بعبير ..مابدي اخلص من حركاتك وافعالك ضرتك كتير منيحة معك ليشك حاقدة هيك.

..

.#سلوى :- اولا انا طالعة مع عمي ..تانيا انت مانك فاضي لالنا مشان نطلع معك ..تالتا مشان الهانم مرتك عبير قلها تبعد عني وعن ابني والله شايف مين المنيح ومين العاطل …

.

.#ابوعبدالله :- صاير السانك طويل .. انتي ليش مبارح مقلعاها من بيتي صاير لالك بيوت يا غبيه لتطردي اولادي ومرتي …

.

.#سلوى :- انت هلاء شو جاي بدك ..بعدين هي تستاهل انها تنطرد من كلامها عن ابني عبد الله …

.

.

#ابو عبدالله :- بدك تطرديني شايف كمان من بيتي والله انتي مابنفع معك الا العصا

.

.((ابو عبدالله وقتها كمش المكنسة وصار يضربني من كل مكان وانا ادعي عليه لعند ما اجى عمي ومرت عمي على الصوت من شافو الدم عم يطف من انفي وتمي …

.

.#جدو :- الله يغضب عليك الله يغضب عليك …

.

.#ابو عبدالله :- بتغضب عليه مشان هاي الكلبة المانها محترمة …

.

.

#مرت عمي :- ليش يا امي هيك عامل بمرتك شو ذنبها بكفي انها عم تتحمل كل شي

.

.#ابوعبدالله :- امي تستاهل تستاهل مارح تتغير ..ماعم ارتاح بسببها قلت اتجوز وارتاح اتجوزتها وحتى خلفة سليمة ما جابتك …. قلت اتجوز مرة تانية الحقد على مرتي عبير والمشاكل من وراها ماعم تخلص ..

.

.#مرت عمي :- الله يلعنك يا امي على هالعملة لك ظلمناها من وافقنا نجوزك وحدة متل عبير هالسوسة اللي مشاكلها ماعم تخلص وانت مخبى تحت تيابك مانك حاسس على شي …

.

.#ابوعبدالله :- راح جيببها اللي بتحكو عنها هيك ..اللي مابتجيب سيرتكن الا بالمنيح وانو على طول ظالمينها …((عبير عبيييييييير ام جبر تعي تعي …

.

.#عبير :- اي ابن عمي ..شو في شوفي …

.

((عبير اللي عامله حالها مسكينة وهي على طول الوقت عم تصنت على الدرج ..فاتت لعندي وهي وجهها قال زعلاني عليه ومسكينة قدام جوزي وعمي ..بس من قفاها في ضحكة بس مستحية تطلعها على حالي …

.

.#ابوعبدالله :- انتي شو صار بينك وبين سلوى امبارح …

.

.

#عبير :- ياعمري ياسلوى ليش هيك صاير فيكي …

.

#سلوى :- بعدي هيك لاتلمسيني ياحرباي ..

.

#ابو عبدالله :- والله مانك مرباي ياسلوى جاوبي يا عبير شو صار امبارح لعمك اللي عم يغضب عليه بسبب هالخبيثة هاي ..

.

.#عبير :- والله ياعمي الله شايف وعارف جيتا امبارح بقلها بالحرف الواحد ..يا سلوى يا اختي انتي منيحة ابنك فيو شي ..ابو عبدالله بقلي انو وضعو بالمدرسة تعبان وانا ماهاين عليه …وكمان استيعابو ضعيف وجيت ساعدها وهي عصبت هيك من لافراغ وطردتني من البيت …

.

.

#سلوى :- حسبي الله ونعم الوكيل حسبي الله والله ياعمي عم تكدب ماصار هالشي والله انا الصادقة خلوها تحلف على المصحف خلوها ….

.

.#عبير :- جوزي بدها تحلفني على المصحف هاي ..انت مانك مصديقني ….

.

.#جدو :- نسرين روحي ابي جيبي مصحف وانتي واياها اتوضوا وتعو لنعرف الكادب ولا الصادق …

.

.

#سلوى :- عمي انا متوضية ..كنت من شوي عم صلي الظهر …

.

.#عبير :- اووووه نسيت والله معذورة انا مافيني اتوضا واحط ايدي على المصحف …

.

.((كذبة عبير اللي دايما مابننحرم منها انجدتها هاي المرة كمان بس كان عمي مصدقني يومها وقفل على الموضوع بس وقتها جوزي ما سكت

…

.#ابو عبدالله :- لا ماحزرتي قفل على الموضوع هيك يا بتنقلعي من شقتي يا اما برمي عليكي يمين الطلاق ….

.

.#جدو :- اعوذ بالله من غضب الله يا ابني ارحمها لمرتك ..سلوى عمي ضبي تيابك ..وتعي على بيتي …على الاقل ياعمي في ونيس لالك ..

.

.((ضبيت تيابي بوجود مرت عمي ونسرين وهني قلبهن بيغلي على اللي صار من عبير …حملت اغراضي ومن جيت اطلع …فقدتو لابني اللي نسيتو بالمشكلة ..

.

#سلوى :؛ عبد الله امي وينك حبيبي عبد الله …عبود يا امي رد عليه …

.

.

الجزء الخامس :-

.

.#جدو :- ياجدو يا حبيبي وينو عبووود حبيبي …

.

.((فقدتو لابني من كل البيت … وصار قلبي بدو يوقف ..انا اكدت لعمي انو ابني ما طلع من هون … .

.

#نسرين :- ابي …سلوى .. ليكو ليكو تعو …

.

.#سلوى :- امي ليش هون متخبي بالسرداب شلون طلعت يا امي فوووق …

.

#عبود :- ماما

.

.#سلوى :- ليش هيك يا امي السرداب …

.

((ناديت على عمي يشوف السرداب .. كان كل الالعاب اللي افقدها ابني معلقها من رقبتها بأحبال ..وشي مقطع بطريقة مخيفة ..وحروف وارقام مقلوبه على خيط السرداب ….وكان متل يلي راسمني انا وجدو وهو ووفوقنا شمس ..وراسم ابوه وعبير واخواتو بطريقة متل شيطانية..عمي اخدو بالقوة من السرداب بعد ماكان خايف ومسكر اذنو بقوة مشان مايسمع اللي بصير … نزلو عمي وحضنو …ومن جينا نطلع من البيت …ابوه اخدو بقوة لعبدالله …

.

.#ابو عبد الله :- لوين اخدو يا بي ..هاد ابني وماحد بربيه غيري ومارح اتركو للفاشلة تربية بكفي رسوبو بمدرستو …

.

.#جدو :- لا عبدالله مارح تاخدو وراح يبقي معي ….

.

((انشدت المشاكل بين عمي وجوزي على عبدالله وقتها عمي من الزعل وقع على الدرج وصرنا بمصيبة تانية … صرنا نصرخ انا وعمتي ..لان وقتها عمي فقد الوعي ..وصار دم ينزل من راسوو…وجوزي اعطى عبدالله لعبير لتطلعو فوق …وقتها ابني صار يتصرف بعدوانيه على ابوه وعبير .. من بعد ماشاف جدو على الدرج واقع ……اخدنا عمي على المشفى وانا ومرت عمي التهيت فيه وابني عم يرجف قلبي عليه مابعرف شو عم يعمل مع عبير هلاء… …مرق جوزي لعنا بالمشفى وقال انو عمي بخير ومافيو شي .بعد ساعات فاق عمي اللي وقتهت كان يسأل عن عبدالله …ارجعنا على البيت لعند عمي .. بعد شوي اسمعنا صراخ عبد الله من بيت عبير ….

قمت من مكاني انا ومرت عمي ونسرين ..لنشوف شو صار لابني …لقيت وقتها ابني غرقات كمان بدمو ..كان اذي حالو وهو عم يضرب راسو بالحيط كتن بدو يجرح حالو متل جدو …ويلي عرفتو وقتها من اخوه جبر..انو عبير ضاربتو لابني ومسمعت حكي جارح …..لقيت ابني بحالة لايرثى لالها …

.

#نسرين :- لك ياكلبه ياعبير اذا اخي غبي ونايم ومسطول عن حالو نحنا فايقين لافعالك ..

.

.#عبير :- شو طولان لسانك يا بايرة ..لك شوفي عندو صار عمرك 29 ولهلاء ما اتزوجتي جاي تشاطري عليه ..

.

.#نسرين :- والله ماحد يفتلك من تحت ايدي انا راح ربيكي يا بنت المانهن محترمين …

..

((انا اخدت ابني ونزلتو لعند جدو وطلعت افك المشكلة اللي صارت بين عبير ونسرين ومرت عمي …وقتها عبير اكلت قتلة العمر ..حتى شعرها كان بإيديها لنسرين منظرها كان يفش الخلق والله

.

.نزلنا لتحت وقفلت مرت عمي الباب …وقتها ابني كان نايم جنب جدووو..قعدنا انا ومرتةعمي ونسرين نحكي عن يلي صار الساعة 11 بالليل صار باب الشقة يدق بقوة وكأنو بدو ينكسر كان جوزي …جاي ليتمشكل معنا …

.#مرت عمي :- امي الله يرضى عليك بكفي جنون لا تخليني اغضب عليك ابوك تعبان وابنك ومرتك تعبانين …

.

.#ابو عبد الله :- افتحي امي بدي شووف نسرين .

.

#نسرين :- شوف اخي لاتجي تتخانق معي مشان مرتك اللي بتقل احترامها بدي اورجيها نجوم السما وبالصرماي على تمها …

.

((وقتها ابو عبد الله عصب وصار يحكي ويبربر على الدرج بعد ما زهق وما حد رد عليه طلع لفوووق لعند مرتو ..

.

وقعدنا انا ونسرين نحكي طول الليل باللي شوفناه اليوم عن عبدالله ….

.

#نسرين :- والله كان يوم اغبر واسود هاليوم المهم سوسو انا كنت اليوم مجهزة لعبدو مفاجئة انا وعمك بس الله ياخدها هالكلبة ماخلتنا نعملها لالو …

.

..#سلوى :- الله يهديها سمت لالنا بدنا المهم نسرين انتي شايفة ابني عبد الله والله تصرفاتو مخوفتني …

.

.#نسرين :- صح ذكرتيني بشي ..في صديقة لالي حكتلا عن ابنك قالت لالي تعي وجبيه معك ..شو رايك نروح لعندها هي دكتورة نفسية يمكن تقلنا حل وتساعدنا لالو ..والله حرام نضل هيك مغمضين عن عبودي ….

.

الجزء السادس :-

.

.((تاني يوم الصبح جهزت انا ونسرين وعبد الله وقررنا نروح للدكتورة الهام …. اطلعنا بوقت جوزي بكون بالشغل مشان مايصير مشكلة ..كنت متفائلة بخير لاعرف مشكلة ابني من وصلنا لعند الدكتورة خبرتها كل شي ابني بيعملو ردة فعل الدكتورة كانت لطيفة كتير واتشكرتنا لالنا لحقنا ابني بهيك عمر وماغمضت عيوني عنو متل كتير ناس …

.#الدكتورة :- شلونو حبيبي عبودة ..

.

.#عبدو :-

.

#الدكتورة :- ليشو الحلو مكشر هيك …

.

.

#سلوى :- اي دكتورة هو على طول هيك مابتجاوب مع اي حد …

.

.#الدكتورة :- اي بعرف ياقلبي ..بدك تسمعيني منيح …هاد الطفل مانو معاق ذهنيا او عندو خلل عقلي اياكي ثم اياكي تفكري لو واحد بالمية هيك … بالعكس ابنك سابق عصرنا …يعني هيك اشخاص بكونو فاهمين الواقع وعم يسمعو كل شي حوالينا بطريقة اقوى مني ..عقلهن قوى ذاكرتهن اقوى بتأثرو حتى باي شي … نقطة المي من تنزل على البحر لو ركز تفكيروا بسمعها … اي صوت بمكان مزدحم لو ركز تفكيروا بيسمعها ..نظروا سليم جدا لاتقولي عندو ضعف نظر لا هالشي هو عندو دقة نظر مثلا ..لو كتبتلك على السبورة هاي الاحرف A..B…C . انتي طبيعي راح تشوفيهن هيك ..ابنك راح يشوفهن عم يرقصو عم يتحركو عم يلعبوووو …راح يشوفهن مقلوبين وهالشي سابق عصرنا … للعلم …في شخص كان عندو صعوبة بالتعلم كان يعاني بضعف نظر او انو مايسمع منيح وكان فاشل .. متل ابنك هيك كان يشوف الاحرف والارقام عم يتراقصو قدامو . هيك قرر مجتمعو عنو … اللي على طول يسخروا منو …بس بيوم اصاب هدف ذهبي ..ابهر العالم فيه …اكتشف نظريتة النسبية .. الحركة البوترونية والتأثير الكهروضوئي .. اللي حاز وقتها فيها على جائزة نوبل وهذا كان العالم البرت انشتاين … هاد مثال واحد على حالة ابنك …وفي كمان حالة ثانية … وهو الفنان ليناردو دافنشي … اللي رسم تخطيط بدائي لطائرة مروحية وكان في القرن الخامس عشر ميلادي .. قبل 400 عام لقيام اول طائرة بالطيران .. وهذا الفنان اللي سبق عصرو كان يعاني كمان من صعوبة بالقراءة والكتابة مان يكتب الكلمات بطريقة مقلوبة مثال …انأ يمس ا هلل ا دبع..اكيد صعب نقراه لان مكتوب بالمقلوب لكن من تجيبي مراه متل هيك …انا اسمي عبد الله يعني هو بيحسن يكتب ويقرا بس بطريقتو ….. …. يعني هاؤولاء عباقرة علم وفن لحظة كمان…..عبدالله تعا حبيبي ..اشعل اضاءة الغرفة …

.

#عبدالله :- حاضر …

.#الدكتورة :- فيكي تقوليلي يا سلوى مين اللي اخترع الكهرباء …

.

#عبدالله :- اديسووون

.

#الدكتورة :- بروافو عليك حبيبي هو اديسووون …اللي اشرق البيوت بالاضاءة …

.

.#سلوى :- يعني ابني …

.

.#الدكتورة :- اي متل ما شفتني ومتل مافهمتي .. مو بسهولة نحكم على شخص سابق عصرنا بالتخلف وهو عبقري من الصغر ..روسوماتو على الحيط انتي قابتليها بالرفض … تعبيراتو عند كل مشكلة بتقطيع الدمى ما كانت حالة نفسية ..كان تفريغ طاقة ….ردة فعلو بالصراخ من يشوف الاخبار ماكانت خوف كان تعبير بالرفض والتصدي لهالعالم المجرم …

.

.هلاء هيك كفاية انا راح اكتبو جلسة تانية اللي اعطيتك فكرة عنها مبدئية …ولازم تعرفي انو هاي كلها اسباب حالة اسمها((( توحد )) بتصيب الاطفال من بعد السنوات الثلاثة الاولى.. وبقدرتك وبقدرة اللي حواليه بتقدري تشجعيه ليصير افضل .. الخميس الجاي بكون موعدنا التاني ..وبدي منك تجيبي كل كتبو ودفاترو وتصوري لالي كل شي رسمو على الحيط حتى الدمى المقطعة …

.

.#نسرين :- بتشكرك دكتورة الهام كنت على ثقة بقوتك لانك توضحي لسلوى هالشي ..

.

.#سلوى :- والله ماني عرفاني شو قلك دكتورة الهام والله ريحتي قلبي بكلامك ان شاء الله الخميس الجاي بجي وبجيب اللي طلبتيه مني …

.

. الجزء السابع :-

.

((بعد ما ارجعنا من عند الدكتورة الهام بقينا انا وبنت عمي نلاعب عبدو وتأخرنا بالرجعة ..ومن رجعنا للبيت كان جوزي عم ينطرنا على الدرج ومعو مرتو عبير …

.

.#ابوعبدالله :- شو التم المتعوس على خايب الرجا

.

.#عبير :- والله ياعمري معروف مين اللي قضى حياتو متعوس ومين هو خايب الرجا اللي مانفع بشي حتى بجواز …

.

.#سلوى :- نسرين حبي كرمال عبدالله مابدنا مشكلة معهن الولد تعبان ومابدنا يزيدها عليه …

.

.#نسرين :- راح قلك كلمتين يا اخي ..الله كبير وموجود وبدل ما تظلم ابنك ومرتك واختك وابوووك اللي غضبان هلاء عليك …شوف الظالم وين …

.

.#ابو عبدالله :- شو يعني ولي ….

.

((اشتبك جوزي مع اختو اللي بلش يضرب فيها على الدرج وانا عم حاول قد مافيني بعدهن عن بعض ومن حرقتي وزعلي على نسرين .. كمشتها لعبير ودفشتها بارضها ووقعت على الارض وغابت عن الوعي … اخدت نسرين من ادين جوزي اللي كان كل وجهها صار ازرق فوتها البيت ..وبدي فوت ابني ..مالقيتو ابني ماكان موجود بكل البيت دورت فوق تحت بالسردان بين الالعاب مالقيتو ..اللي قتلني انو باب السقاق كان مفتوح والجيران قالولي انو عبد الله طلع من البيت هربان … شفتو شلون اللي بصيبها زهايمر وبتبلش تسوح وتنوح بالشوارع هاد انا …

.

.#سلوى :- دخيلك يا اخي شفت طفل بعمر 6 سنين شعروا اسود طويل شوي وحجمو هيك …

.

بلشت اقصص على الناس شكل ابني اللي في ناس فكروني مجنوني واعطوني ليرات… بلغت الشرطة يلي حاولو يساعدوني ماعرفوا … مرقت ليلة على هروب ابني من البيت وانا دمعة عيني متل مي النار بتوجع ….

.

.

دقت بنت عمي على الدكتورة الهام لعلى وعسى من بعد اليأس الاقي عبد الله ..

.

#نسرين :- مرحبا دكتورة الهام بعتذر اني عم دق بهيك وقت بس والله مصيبة ونزلت على راسنا ..

.

.#الدكتورة الهام :- اتفضلي حبيبه قلبي ..ولايهمك والله يجعلها اخر المصائب …

.

.#نسرين :- ابن اخي عبد الله هرب من البيت وماعم نلاقيه صرلنا من وقت ما رجعنا من عندك الله يسعدك مالقينا لا شرطة ولا مشفى ولا اي مكان الا سالنا عنو…

.

.

#الدكتورة :- طيب روقي حبيبتي خبريني ليش هرب ..

.

.#نسرين :- والله صارت مع ابوه مشكلة وهو حرب من البيت كرمال ما يسمع شي ..

.

.#الدكتورة :- بدي تروحي هلاء على غرفتو وتشوفي دفاتروا والصور والرسومات يلي عم يرسمها على الحيط …

.

.#نسرين :- يالا يالا هلاء بطلع …قومي سلوى قومي اعطيني كل دفاتر ورسومات عبدو ..

.

.((اطلعنا لفوق وبلشنا نطلع رسوماتو اللي كان كلها عصافير وعش صغير وراسم نفسو وجدو وامو ….

.

.#نسرين :- دكتورة الهام هو راسم شمس وعش عصافير وثلاث شجرات ..وراسم امو وسيدو شو نعمل …

.

.#الدكتورة الهام :- الله ينور عليكي انتو في حواليكن شي حديقة …

.

.#نسرين :- اي اي دكتورة خدي امو بدي تحكيكي ..

.

.

#سلوى :- الله يسعدك دكتورة ساعديني مشان ابني …

.

.#الدكتورة :- حبيبتي في شي حديقة بتروحي انتي وجدو عليها..

.

.#سلوى :- اي يادكتورة حديقة قريبة من بيتنا …

.

.#الدكتورة :- اي حلو حبيبتي هاد المهم ..انا جاي لهلاء لعندك مابقيان للفجر الا ساعتين …

.

.((نطرنا الدكتورة اللي مابعرف ليش مهتمه بالصور والرسومات وصلت الدكتورة جهزنا حالنا ..وطلبت منا انجمع خشب وشواكيش و طلبت ناخد جدو معنا …

.

من وصلنا على الحديقة طلبت منا اندور على ثلاث شجرات جنب بعض متل ماكان مرسوم بالورقة … ومن لقيناهن طلبت مني ومن جدو نحمل الخشب ونقعد هونيك ونبلش نعمل بيت خشبي لعبد لله ..

.

مافي ربع ساعة الا عبد الله اجا وحضني …وكان زجهو اصفر وبردان …كان ابني مقضي الليلة كلها فوق شجرة من الشجرات . ..وبعدها اشرت لالنا الدكتورة انو نبقى ما انقوم الا لما نخلص من البيت الصغير .. ..وقتهت صار عبدالله يرسم زوايا بشكل ن

مرعب على الالواح الخشبية ليعمل بيت بقياس مظبوط …انا من شفت ابني هيك …انصدمت من عبقريتو …

.

من بعد ما انجزنا هالشي وحطينا البيت الصغيرة على غصن شجرة كبير بيحسن يحملمو للبيت .. ارجعنا انا وابني على البيت وكانت معنا الدكتورة نفسها اللي طلبت تبقى مع ابني يومين كاملين لتحسن اتساعدو..

.

.الجزء الثامن :-

.

.#سلوى :- دكتورة عندي سؤال ليش طلبتي نعمل هالشي اليوم وكيف عرفتي اني بقدر جيب ابني هيك…

.

#الدكتورة :- شوفي حبيبتي الطفل دائما بهيك حالة او بشكل طبيعي بميل للمكان اللي فيه راحة ..الاطفال الطبيعين لو كانت الاجواء مشحونة فيهم يتأقلمو ومن يكبروا مابنسو بتصح عندهن عقدة نفسية او بكملو حياتهن بطريقة عادية وبيعكسو هالشي من يكبروا على جيلهن الجديد… بس ابنك والاطفال يلي مثلو صعي يتاقلمو بهيك اجواء ..لان مابتناسب عقليتهن فبكل قوتهن بحاولو يهربوا لافضل مكان شعروا فيه براحة …

.

.#سلوى :- دكتورة مابدي اضغط عليكي انا بعرف انو هالتوحد عندي ابني انا كيف فيني ساعدو ليروح..

.

#الدكتورة :- سؤالك كتير حلو انا طلبت اقعد يومين هون بقربوا لعبدلله وقربك لاعطيكي الطريقة المناسبة اللي اذا انجحتي فيها بتكوني انقذتي طفلك …..

.

.#سلوى :- امري وكلتو لرب العباد ومن ثم لالك دكتورة قليلي كل شي ….

.

.

#الدكتورة :- الحل بيدك انتي وجدو ..انتو اكتر اثنين بحبكن عبدالله …وبعديه عن اخواتو وابوه وعبير …لانهن اكثر اشخاص اعداء لالهن بس لفترة معينة تعي معي لنشوف شغلة ….وفوق بالسرداب

.

.#سلوى :- راح نطلع لفوق دكتورة ..

.

.#الدكتورة :- اي حبيبتي

…..شوفي هاي الدمية اللي ابنك مدخل هاد القلم بعينها …ركزي فيها منيح …..وحاولي تذكري منها شغلات ..

.

#سلوى :- بصراحة مو قادرة اعرف شو عم تقصدي ..

.

#الدكتورة :- مانها صعبة شوفي هاي الدمية اولا انتي جبتيها شي ..

.

.#سلوى :- لا هاي من بنتها لعبير امها جايبتها لالها …

.

#الدكتور :- برافو عليكي ركزي اكتر على الشعر …

.

.#سلوى :- يالله راح عن بالي بيشبه لون شعرها ل عبير …

..

#الدكتورة :- برافو عليكي عرفتي ليش ابنك هيك عامل في الدمية ..لو ماتعالجت حالة ابنك واتطور الامر وصار حاد او ممكن يصير اعاقة ذهنية او ممكن من يكبر يصير مجرم يقتل عبير بنفس الطريقة لا تخافي … اعطيني هاي اللعبة الجندي اللي حامل سلاح وابنك قاطع ايديه …..

.

#سلوى :- خلص فهمت دكتورة هاي بالاخبار اللي عم يشوفها جوزي شوفي شوفي كل الالعاب اللي فيها جنود مقطعها شوفي الدبدوب هاد عبير جابتو لالو بعيد ميلادو ..

.

#الدكتورة :- برافو عليكي ياسلوى شجاعتك لتحمي ابنك هي اللي راح تنقذو ..انتبهي في شغلات عم يعملو ازعاج وصراخ عند عبدالله وحدة مع ووحدة ضد… هو عبر عن كرهو لعبير ..اللي ممكن نحط احتمال يآذيها …بنفس الوقت هون قطع كل الالعاب اللي فيها سلاح ودليل على انو هو مابحب الظلم …

.

.#سلوى :- والله يادكتورة مابعرف شو اقول انا مصدومة من يلي بسمعو …

.

.#الدكتورة :- تعي شوفي هاد الكتاب ….عم يرسم هون امو وجدو بس بطريقة بتجنن اكمشيه وافتحيه بطريقة سريعه شوفي طرف الصفح …

.

.

#سلوى :- واو ما اجملها صورتي وانا حامل فيه لعند ما كبرتو واو شو هاي الخوذة اللي راسمها بالاصفر …

.

.#الدكتورة كل صفحة راسمها بدقه لتحاكي فترة زمنية جديدة بحياتو احتفظي بهاد الدفتر بعد عمر راح تحتاجيه …..

.

.#سلوى :- يعني ابني راح يطلع بيوم من الايام شي كبير…

.#الدكتورة :- وكتير كمان …هلاء لازم ننام لان عندنا بكرة شغل كتير مشان عبدالله …

.

#سلوى :- شكرا لالك دكتورة تصبحي على خير حبيبتي …

.

.الجزء الاخير :-

.

.

.((( من تعب الشغل فقت تاني يوم متأخرة …فقت على صوت حفلة بالبيت ..كانت الدكتورة ونسرين وعمي ومرت عمي قاعدين عم يلعبو لعبة الكراسي …وكان من بيناتهن عبد الله …عجبتني الفكرة من شفت ابني مبسوط وبحاول بكل الطرق يركز ليحصل على كرسي …دائما كان هو الفائز بتشجيع الكل لالو …كان ابني بكل مرة يبهرهن بذكائو وشطارتو …

.

بلش برنامجي مع ابني …لنساعدو بالتعليم والنطق الصحيح … طلبت منا الدكتورة لنزور جمعية الطفل لصعوبات التعلم …ورحت انا ونسرين يومها ..لنحصل على البرنامج مشكلة المكان ..اللي بصراحة رفضت تواجد ابني فيه ..كان في اختلاط بين الاطفال الطبيعين والاطفال اللي عندهن مشاكل …غير هيك التكلفة الغالية وعدم قدرتي اني ادفع هيك تكاليف ….

.

.

#نسرين :- حبيبتي سلوى ليشك اكلى هم المصاريف ..

#سلوى :- شلون ياعمري بدي ادفعهن ابوه لعبد الله مابعطيني شي وعمي يادوبو مسكين ادوية واللي بزيد بيعطيني اياه جيب تياب والعاب لعبدالله …

.

.نسرين :- حبيبتي انا عندي مبلغ جمعتو من الدورس الخصوصية االي بعطيها للاطفال ..

.

.#سلوى :- لا ياعمري انتي باقيلك فصل واحد جامعة ادفعيهن لجامعتك ..

.

.#نسرين :- كل المصاري فداه لعبدالله …

.

.#سلوى :- اسمعي بنت عمي ..نحنا جامعيات وعندنا انترنت بالبيت لازم ناخد الطرق ونحن نعلم عبد الله شو رايك ..

.

.#نسرين :- فكرة بتجنن مرت اخي يالا نبلش ..خلينا نوصل قبل لتقطع الكهربا ونقدر نجمع كم خطة لعبدو من الانترنت …

.

.

((ارجعنا على البيت مستعجلين انا ونسرين ..ودخلنا بالغرفة وبلشنا نقرا مواضيع عن التوحد وشو هو وشو اسبابو وشلون نعالجو ..كل شي نقراه نسجلو على الورق ….مشان قطع الكهربا …وبلش يوم التنفيد …

.

#سلوى :- يالا يا دكتورتنا العزيزة سوسو شو اول خطوة لازم نعملها ….

.

.#نسرين :- اول خطوة حبي بقلك ممنوع او التقليل من الاغذية اللي بتحتوي على نسبة عالية من البروتينات …والسبب مابتنهضم بسهولة لانها بتاثر على الدماغ واعماله وهالشي بيعمل حركات عدوانية ولازم نبدلها بالفيتامينات …

.

.#سلوى :- ياعيني ياعبود ..وهاي فروالة وهاي برتقال وشو يا عمتو في شغلات فيها فيتامينات كرمال عيونو السود …

.

.

#نسرين :- العلاج رقم اتنين يا افندم عبووووووود …اللي هي الموسيقي

.

.#سلوى :- بس هاي ماحلوة مابعرف ليه ابني مابحب الموسيقي وانا معودتو كل ليلة يسمع قرءان لان بيرتاح عليها وبينام …

.

.#نسرين :- والله يامرت اخي عين العقل القرءان دواء وشفاء لكل علل الروح …خلينا على هيك …بلا موسيقى بلا بيت ابووو هووفين ههههههه

.

.#سلوى :- هههههه مين بيت ابووهوفن ليكون بيتهوفن المعزوفة ماغيرها ياخسارة تعبك يا عمي على الجامعة ههههههههه .

.

.

#نسرين :- حاج نسرين لاتلعي كتير معلاك بطني قام يضحك ههههههعههعع

.

.#سلوي :- قال بيت ابوو هوفن قال كملي كملي اللي بعدها عاملينها يا امي دكتورة نسرين …

.

#عبدالله :- ههههه

#نسرين :- لك دخيل هالضحكة يا عمتي لك عيوني للحلو انا .. الخطوة اللي بعدها ياباشا … العلاج الحسي والمهني …

.

.

#سلوى :- وشو هاي الحسي

.

#نسرين :- يعني امو عليها تعلمو المهني وانا راح اهتم بالجانب الحسي … جهزي يا ماما الفيتامينات ….

.

.وانت يا مهندس عبووود هات طحين ونشا ومي والوان وتعاا لازم نخترع الطين اللازب

.

.(( يومها انا ونسرين صرنا نعجن ونخبص بالعجينه لتزبط معنا طريقة الطين الملون …بعدها بلشنا نشكل اشكال كان كتير عبدالله مبسوط لدرجة يعمل الارقام والحروف بطريقة صحيحة لا مقلوبة ولا معكوسة .. العمليات الحسابية صار ابني يقص بالورق ويعمل ارقام ويلزقهن ويجمع ويطرح ويعد…كنت طايرة في ابني لفوووق السما …

.

.اما بالنسبة للحسي ..وهي اني اشتغل على حواس ابني ليدارك كل شي حواليه بطريقة طبيعية ..مثلا علمتو يعبر لالي بتعبيرات الوجه والايدين او تحريك اللسان بطريقة رائعة …يأشر بايديه للاشياء كنا نعمل لعبه الكنز المدفون باغراض البيت ..نجمع الشوك الكاسات البلاستيك حتى الالعاب …ونكتب اسمائهن على بطاقات ونقرا لابني الكلمة وهو يبحث بالبيت عن اللعبة المخبية اللي هي كنز ..كان ابني كل مرة يبدع اكثر واكثر… صار ايضا يردد ايات القرءان مثل الشيخ وينطقها بحركات وتجويد … صح اتعبت مع ابني ليقدر يوم عن يوم يتخطى هالازمة تحصيل ابني بالمدرسة بلش يتحسن وخاصة اول ما سمعت انو صار عندو رفيق يا حلاتك يا امي الله يحميك ..

.

.

.

.بيوم كنا انا وبنت عمي نشطف الدرج من نزل جوزي لعنا …

.

#ابو عبدالله :- شو يامرتي مانك حابة ترجعي على بيتك ولا حابة تبقي عند عمك …

.

.#سلوى :- تعرف شو بتمنى انا ..

.

.#ابو عبدالله :- اي قولي سامعك ..

.

#سلوى :- بتمنى اطلقني …..

.

#ابو عبدالله :- ههههه وتتنازلي عن كل شي حتى المتأخر …

.

.#سلوى :- بتنازلك عن روحي المهم ابني يبقى معي …

.

.#ابو عبدالله :- ايوون هيك لكان يعني مابدك ترجعي على بيتك …وبدك تطلقي ….طلاق مارح طلقك سامعة وبيتك مارح ترجعي لالو …. وراح اتجوز الثالثة وحطها على فراشك …

.

.#سلوى :- تتهنى مابدك اطلق بلاها ومبروك زواجك من هلاء انا فايتة لعند عمي …سلام يحرم الكلام بيني وبينك …

.

.

((ابو عبدالله مفكرني عبير انقهر واتجاكر وكان مفتكر انو بحسن يكسرني لو اتزوج الثالثة …بس انا انكسرت من زمان ومانو مهم كتير صح نفذ اللي براسو وتزوج الثالثة وحطها ببيتي..بس في مثل بقول مابكسر المرة الا المرة اللي مثلها ..على طول في ديووك فوق عم تنهش ببعضها وصوتهن طالع لاخر الحارة ضرتي عبير وضرتي صابرين …الله وكيلكن صابرين كل يوم وهي فاشة خلقي صح جكرة وقوية ومالي خلطة معها وكافي شرها وخيرها عنى بس يا اولاد الحلال والله هاي كتير منيحة لتربي النسوان اللي هيك …يالا ع العموم ابني عم يقدم بكالوريا هلاء …وانا ناطرة نسرين لاروح معها على الدكتور لانها اتزوجت اخو الدكتورة الهام …وطلبت مني نروح لنعمل تخطيط قلب للبيبي تبعها الله يهنيها صبرت ونالت والله كان مخبيلها لصبرها عريس حلو … يعني لو انا هلاء مطلقة كان جبت نونو اخ لعبد الله ….

.

.#عبدالله :- امي نونو اخ لالي … ومن يشوفوه يقولو ابنك ماشاء الله …

.

.#سلوى :- انت من متى هون عم تراقب كلامي لك سئيل وين كتابك قوم ادرس قوم لحسن نادي على جدك بالعكازة يلحقك وينتف ريشك ….

.

.#عبدالله :- امي طولي بالك عندي عريس يطير العقل …

.

#سلوى :- عريس ماشي ماشي بسيطة قال عريس قال جاي تحججني والناس مروحة كان وانا بعز شبابي جوزت امك …

.

.((ابني عبدالله يا جماعة كبر والحمد لله دخل علمي وهلاء عم يقدم بكالوريا ابني قدم الفصل الاول ..وكان الاول على الدولة الله يحميه يارب ..وان شاء الله ياخد الجزء الثاني ويفوت هندسة ..يالله شو بتمنى يطلع مهندس ..واجوزو وافرح فيه واجيب لالو عروسة من العرايس يلي هلاء عم يتابعوني وبدي اياها خص نص من عند محبين جمايكا …يالا يابنات قايمة اجهز لابني عشا مشان يحسن يدرس …وانتو اختارو بيناتكن مين يلي بتقدر تسعد ابني متل ما انا اسعدتو وتعبت عليه …..مشان اختارها عروس …

.

.

#جدو :- لك سلوى وين عكازتي عمي

.

.#سلوي – اي عمي هيها معي كنت مجهزتا لحفيدك السئيل مشان يدرس مايلعب على الموبايل ..

.

#جدو :- هاتيها عمي …وقومي ليكي نسرين اجت مابعرف من وين طلع لالنا هالايبون اللي لاحس عقلكن …

.

.#سلوى :- ايفون عمي ايفون

.

#نسرين :- يالا يابنت قومي لازم اعرف جنس الجنين بنت ولا صبي …

.

.#سلوى :- بنت يإذن الله ههههههه

.

يالا صبايا قومو لشغلكن وانا قايمة روح مع نسرين …لاتنسو تفرحولي جمايكا بتعليق مسكينة مرضاني وكرمال عيونكن قامت من الفجر تكتب التكملة يالا باي حبيباتي

.

.

.

.

حبيباتي القصة من تأليفي (جمايكا احمد)