القدره بالدجاج ولا اطيب ملكة المطبخ
القدره بالدجاج ولا اطيب ملكة المطبخ
المقادير
- دجاجه مغسوله جيدا
- اربع كاسات ارز طويل الحبه
- كوب حمص مسلوق
- راسبن بصل مقطعين جوانح حسب الرغبه
- راسين ثوم كبار
- ملح
- فلفل اسود
- بهارات القدره
- زيت للطبخ
- راس بصل زغير لطبخ الدجاج
الخطوات
بسم الله الرحمان الرحيم
السلام عليكم
اتمنى من الله ان تكونوا دائما بالف خير وفي تمام الصحه والعافيه
اخواتي القدره من الاكلات الفلسطينيه المشهوره واصولها بتتعمل باللحم والثوم والبصل بكونو حسب الرغبه في المقدار واذا بتحبي تستغني عن للبصل عادي لانه كثير ما بحطوه وبكون البصل غير مرغوب عند الاطفال مع الاكل
اخواتي نزلت قبل فتره القدره باللحمه وحبيت اقدمها بالدجاج تعالو نشوف الطريقه
هذه الطريقه سريعه جدا اذا كنتي مستعجله ما بتاخذ وقت ابدا
اول شي بقشر البصل وبقطعه جوانح وبقلبه على النار مع شوية زيت بس يتذل بضيفله الثوم المقشر وبقلبهم مع بعض على النار بضيفلهم الملح والفلفل الاسود وبهارات القدره
وشوية كزبره ناشفه والحمص الحب المسلوق وبتركهم حتى ينضجو وفي هذه الاثناء بكون نقعت الارز طويل الحبه بالماء الفاتر لمدة ثلث ساعه او اقل في طنحره ثانيه بفرم راس بصل زغير مع شويه زيت وبعد ما يتذبل بضيف الفلفل الاسود وبهارات القدره وبنزل عليهم الدجاج وبقلبهم مع بعض
وبغمرهم بالماء الساخن وبضيفلهم الملح وقليل من الكركم وبتركهم يستوووو ثلاث اربع الاستوا لاني هون بدي اطبخهم بطريقه مختلفه عن طريقة العزايم العزايم بنستوي الدجاج وبنتبله وبنحمره انا بدي اعملهابطريقه مثل طريقة المقلوبه سهله وسريعه
برص الدجاج بقاع طنجرة التيفال حتى يتحمر اثناء الطبخ وبضيف فوقه ثلثين كمية البصل والثوم والحمص والثلث الثالث بخلطه مع الارز طبعا بعد ما اغسله واتبله بالملح والفلفل وبهارات القدره بخلطه مزبوط وبضيفه فوق البصل والثوم والدجاج وبضيفله الشوربه الساخنه بمقدار عقدة الاصبع وبتركه على العالي قبل ما يتشرب ميته بوطي الغاز وبتركه يستوي على راحته حتى يتحمر الدجاح في قاع الطنحره وبعدين بقلبه وبقدمه ساخن مع السلطه واللبن والف صحه
استودعتكم لله
والسلام عليكم ورحمة الله وبركاته
