صاجيه بالفليفله الملونه والبصل ولا اطيب
صاجيه بالفليفله الملونه والبصل ولا اطيب
المقادير
- كيلو لحمه خروف راس عصفور
- وقية ليه
- حبتين فلفله خضره
- حبتين فليفله حمرا او صفرا
- قرنين فلفل حار حسب الرغبه
- حبتين بندوره حمره اختياري
- اربع حبات بصل
- عرقين زعتر او روزمري حسب الرغبه
- سنين ثوم
- ملح
- فلفل اسود
- فنجان زيت زيتون
الخطوات
بسم الله الرحمان الرحيم
السلام عليكم اخواتي الفاضلات
اشتقتلكم ….ربي يسعدكم جميعا سعادة الدارين
اليوم حبيباتي حبيت اقدملكم طريقة عمل الصاجيه بلحمة الخاروف والفليفله الملونه والبصل والفلفل هو الاساس في هذه الاكله ان شاء الله تنال اعجابكم خصوصا اخواتي الي ما عملوها ابدا وصدقوني من اطيب واسهل الاكلات وبصير نعملها بالدجاج للناس يلي مابحبو اللحمه بنفس الطريقه بس باللحمه الهاهيبه اكثر
يلى على المطبخ نشوف الطريقه
اول شي بحضر جميع المواد لسهولة العمل
بفطع اللحمه وبشطفها من الدم كويس وبقطع الفليفله والبصل والبندوره
بحضر المقلاه وبسخنها على النار وبضع اللحمه فيها وبقلب اللحمه وبصب عليها زيت الزيتون ما بضعه بالبدايه حتى ما يتاكسدوبغطيها وبضل اقلب فيها كل فتره وبضل اقلب فيها حتى تنشف ميتها وبضيفلهاالبصل المقطع قطع كبيره شوي حتى ما يذوب مع الطبخ وبضيف الفليفله والبندوره والثوم والفلفل الحار وبخليه يكمل استو مع بعضوالبندوره اختياري وبضيفله الملح والفلفل الاسود وبكشف عنه حتى تجف ميته انا تركت عليه شوية مي حتى تكون اللحمه طريه شوي
بامكانك عملها بالطنجره العاديه وبامكانك عملها بالحديقه اوعلى السطح على الحطب والفحم مع ابريق شاي على الفحم وبتتقدم مع خبز الطابون او الشراك او الخبز العادي مع لبن او سلطه او مخللات والف صحه وهنا ان شاء الله تنال اعحابكم وما تكونوا مليتو من طبخاتنا الي قدمناها حتى نتبادل الخبرات ونفيد بعض ان شاء الله يكون هذا العمل في ميزان حسناتكم جميعا لانكم دعمتونا بتعليقاتكم الرائعه مثلكم
استودعتكم لله الذي لا تضيع ودائعه
