تشيز كيك جوز الهند

المقادير

• ظرفين كريما
• باكتين بسكوت شاي
• نصف كوب سكر (ممكن تزيدي حلاتها حسب الرغبه)
• ٥ كاسات جوز الهند
• باكيت قشطه
• نصف اصبع زبده
• كاسة حليب بارد جدا لتحضير الكريما

الخطوات

السلام عليكم ورحمة الله وبركاته

هاي اول مره بنزل وصفه يعني بدي الوصفه تتفجر

اول شي بنكسر البسكوت لقطع صغيره وبنضيف عليها ثلاث معالق قشطه ونصف اصبع زبده مسوح وبنفركهم مع بعض وبنرصهم بالبايركس او قالب تشيز كيك وبعدين بندخلهم ع الفريز لحتى نجهز الطبقه الثانيه..

الطبقه الثانيه هي

ظرفين كريما بالخلاط مع كاسة حليب بارد جدا بنخلطهم حتى يتجانسوا

وبعدين بنضيف باقي باكيت القشطه والسكر وثلاث كاسات جوز الهند ع الخلاط لحتى يتجانسوا صح

بنضيف الخليط ع البسكوت يلي بالفريزر

وآخر شي بنحمص كاستين جوز الهند بنفس المقلا يلي سوحنا فيه الزبده لحتى يصير لونه ذهبي وبنرشه على الخليط..

وصحتين وعافيه ادعولي دعوه غاليه مثلكم ♥️