خلية النحل القطنية بعجينة قطنية لكافة انواع المعجنات
خلية النحل القطنية بعجينة قطنية لكافة انواع المعجنات
خلية النحل القطنية بعجينة قطنية لكافة انواع المعجنات
المقادير
- خمس كاسات طحين ممكن زيادة اونقصان حسب استيعاب العجين
- كاستين حليب
- نص كاسة زيت نباتي
- بيضتين
- ملعقتين كبار خميرة
- ملعقةونص سكر
- ملعقةكبيرة بيكن بودر
- ملعقة صغيرة ملح
- للحشوة:
- جبنة عكاوي
- جبنة موزريلا
- ملعقة كبيرة زعتر ناشف
الخطوات
بسم الله الرحمن الرحيم
يسعد اوقاتكم يارب الله يديم الصحة والعافية
عجينتا اليوم قطنية وخفيفة وتصلح للجميع انواع المعجنات اول خطوة نبلش بالسوائل بجاط بنحط كاستين حليب سائل لازم يكون دافئ وبنضيف نص كاسة الزيت وبنضيف بياض البيضتين والصفار بنتركو بندهن بيه وجة العجينة
وبضيف السكر والخميرة وبنحركهم مليح وبنتركهن عاجنب يفورو وبس تفور ونتأكد من صلاحية الخميرة بنضيف الطحين والبكن بودر والملح ونبلش بالعجن وبضل نعجن لحتا نحصل على عجينة طرية متماسكة وبندهن العجينة بمسحة زيت وبنغطيها وبنتركها لحتا تتخمر
وبنبلش نحضر للحشوة بلنسبة للجبنة بنكون ناقعينها قبل بيوم ونبغير عليها المي منشان يروح منها كل الملوحة بنبرش الجبنة وبصفيها كثير مليح من المي وبضيف عليها جبنة الوزريلا او اي جبنة بترغبو مثل شيدر او جبنة سائلةاو زيتون كلو حسب الرغبة وبضيف الزعتر وبنخلطهن مع بعض وبس تخمير العجينة بنقطعها عاشكل كرات صغار وبتركهن مدة عشر دقائق وببلش احشيهن
وبدهن الصينية بالزيت وبنبلش بحشي الكرات وبنسكر العجينة منيح وبنحط الكرات بالصينية وبنترك بين كل كرة فراغ منشان ماتطلع العجينة كثير لفوق وبس نخلص بندهن الكرات بصفار البيضتين بنضيف عليه ملعقةةخل ابيض منشان الزنخة وبندهن الكرات وبنرش عليهن سمسم وحبة البركة وبنتركهن على جنب ترتاح ربع ساعة بنكون حمينا الفرن على درجة حرارة 200 وبس تتحمر من تحت والاطراف بنشغل الشواية وبس تتحمر بنطلعها وبنغطيها ربع ساعة وبعدها بنقدمها مشالله بتتطلع عجينة عنجد هشة وطرية وقطنية وان شالله صحة وهنا واسفة طولت عليكن
