الفطيره الذهبيه بطعم ولا أروع ملكه التوفير
الفطيره الذهبيه بطعم ولا أروع ملكه التوفير
المقادير
- نص كيلو صدر حبش( ديك رومي) مقطع لمربعات وسط
- ٢ بصل مقطعين مربعات
- ٢ فليفله ملونه مقطعين مربعات
- قرن فلفل حار مقطع
- ملح حسب الرغبه
- م.ك بهار شاورما
- م.ك بهار جاج
- م.ك بهار كاري
- م.ص فلفل أسمر
- خبز صاج ( ٣)
- ٢ بيض
- زيت نباتي
- جبنه شيدر مبروش أو أي نوع متوفر
- تقريبا كوب بقسماط عليه:
- م.ك سمسم محمص
- رشه فلفل أسمر وملح
الخطوات
بسم الله نبدأ
بمقلاه بنحط إشويه زيت وبنحط البصل والفليفله والفلفل مع رشه ملح ليدبلو إشويه بعدها بنحط الصدر وبنحرك ليصير لونه على بياض بعدها بنحط البهارات وبنحرك كويس وبنتركهم ليستو بنضبط الملح
لما يستو بنحطهم بمصفاه ليتصفى كل الزيت الزياده
هالوقت بنقطع الخبز لأربع أقسام وبنحط الحشوه عالأطراف لا تكترو حشوه وإلا الخبز بتشقق
بنحط الجبنه وبنلف بالراحه لنخلص الكميه بنخفق البيض وبنحط معه رشه ملح وفلفل أسمر
بنغمس الرولات بالبيض بعدين بالبقسماط بعدها بنحطهم بالفريزر لمده ساعه وبس نطلعهم بنقليهم بزيت غزير وحامي ليخدو لون ذهبي ويقدمو مع المقبلات أو مع شو ما بتحبو
بتمنى تكون عجبتكم الوصفه وتدعولي بالخير والعافيه
♡ وصحه وعافيه بحبكم أنا ♡
