الدوالي بطريقتي بطعم ولا ألذ ملكه التوفير
الدوالي بطريقتي بطعم ولا ألذ ملكه التوفير
المقادير
- نص كيلو ورق عنب تقريبا (مكبوس بقزازه)
- للحشوه:
- كوب برغل خشن منقوع بميه سخنه مع م.ص ماجي بودره لمده نص ساعه
- حبتين بندوره مقطعين بصله كبيره مفرومه ناعم
- بقدونس مفروم نعنع مفروم
- ٥ فصوص ثوم مفرومين
- م.ك بهار رز
- م.ك كركم
- م.ص فلفل أسمر
- ربع كوب زيت نباتي
- ملح حسب الرغبه
- الخضار إلي بدنا نحطها أسفل الطنجره مقطعين حسب الرغبه :
- بصله حبه بطاطا
- حبتين بندوره
- قرن فلفل أخضر
- رشه ملح وفلفل أسمر
- للتسويه:
- م.ك صلصه بندوره
- ملح حسب الرغبه
- ربع كوب زيت زيتون
الخطوات
بسم الله نبدأ
بطنجره بحط ميه لتغلي بسلق الدوالي ليطرا بعدين بحطه بميه بادره وبتركه ليبرد بعدين بحطه بمصفاه ليتصفى
بجهز الحشوه بضيف عالبرغل البصل والبقدونس والنعنع والبندوره والتومه والبهارات والملح والزيت بحركهم كويس وبضبط الملح وبتركهم على جنب
بحط بقاع الطنجره البطاطا والبصل والفلفل والبندوره مع رشه ملح وفلفل أسمر
ببدا بلف الدوالي لتخلص كل الكميه لما أخلص بحاول أضغط عليه كويس علشان لما يستوي وأقلب الطنجره ينزل قالب إن شاء الله بعدها بحط بصحن معلقه الصلصه وبحط رشه ملح وبحرك بضيفهم على الدوالي بدنا ننتبه ما تكون الميه واصله عالأخر لازم تكون أول طبقه من الدوالي الميه ناقصه عنها لانه راح يفك ازا كانت الميه كتيره وبحطه على الغاز ليغلى بعدها بوطي عليه ليستوي تقريبا بقعد ع الغاز نص ساعه لما يستوي بحط زيت الزيتون عالوجه وبتركه ليهدأ ازا كان فيه ميه زياده حاولو تصفوها ويقدم الطعم طلع ولا أروع الصراحه يمي يمي
بتمنى تكون عجبتكم الوصفه وتدعولي بالخير والعافيه
♡وصحه وعافيه بحبكم أنا♡
