الكنافه العربيه بالطريقه الغزاويه طعم ولا بالخيال من تحت ديات أختي الحبيبه إم عدي
الكنافه العربيه بالطريقه الغزاويه طعم ولا بالخيال من تحت ديات أختي الحبيبه إم عدي
المقادير
- كوب برغل خشن منقوع بميه سخنه لمده ساعه ومصفى
- كوب سميد منقوع لمده ساعه بنص كوب زيت نباتي و سمنه مخلوطين
- كوب سكر
- كوب إلا ثلت حليب سائل
- ٢ باكيت فانيلا و م.ص فانيلا سائله إختياري للنكهه
- ٢ باكيت بكنج بودر
- كوب عين جمل مكسر خشن
- ٣ م.ك قرفه
- الزينه حسب الرغبه
- لدهن الصينيه ٢ م.ك سمنه
- قطر بارد
الخطوات
بسم الله نبدأ
سبق ونزلت طريقه للكنافه العربيه بس صدقا هاى الطريقه أسهل وأزكى أنا عملتها كذا مره وأختي كتير بتعملها حكتلي بدي اليوم أعمل حكتلها بتصوريلي الخطوات لأنزلها على زاكي وما قصرت معي ومعكو جربوها وما راح تندمو ♡
بالبدايه بشغل الفرن على درجه حراره وسط
بنخلط كل المكونات مع بعض إلي هيا البرغل والسميد والسكر والحليب والقرفه وعين الجمل والفانيلا والبكنج بودر بنحركهم كويس بعدها بنحطهم بصينيه تكون مو كبيره ولا صغيره وسط بنحاول نساوي السطح كويس بنخبزها بالفرن من تحت لتتحمر الاطراف ويجف الوجه بدها شئ نص ساعه لما يجف الوجه بنزلها تحت ليتحمر الوجه إشويه مو كتير شئ ٥ دقائق بعدها بنصب القطر عليها لتتشربه بعدين بنقطعها وبنزينها زي ما بنحب وتقدم دافئه أو بارده على الجهتين زاكيه
ملاحظه:
المقادير كلها بنفس الكوب بنعايرها
والقطر بنصبه عليها زي ما بنحب كيف تكون حلاوتها على حسب الذوق يعني
أخر صورتين هاي شغلي ههههه
بتمنى تكون عجبتكم الوصفه وتدعولي بالخير والعافيه
♡وصحه وعافيه بحبكم أنا ♡
