حلا اقتصادي و سريع و لذيذ ملكة التوفير
حلا اقتصادي و سريع و لذيذ ملكة التوفير
المقادير
- 2 كوب طحين
- 8 ملاعق نشا
- م.ص بكنج باودر
- 2 م.ك.خل
- رشة ملح
- نصف ملعقه صغيره لون اصفر اختياري
- 2 كوب ماء بدرجة حرارة المطبخ وممكن نحتاج من كوبين لكوبين وربع ماء
- قطر وسط بارد
- قارورة ماء صغيره فارغه
- للقلي:
- زيت ذره
- لعمل عيار ةاحد من الحلا بنحتاج :
- كوب طحين
- 4 ملاعق نشا
- نصف م.ص. بكنج باودر
- رشة ملح
- م.ك.خل
- كوب ماء لكوب وربع
- لون اصفر
الخطوات
السلام عليكم ويسعد أوقاتكم بالخير
اليوم بقدملكم حلااا اقتصادي وموفر ومواده بسيطه والطعم اكثر من رائع ..اذا كنتي حابه تعملي حلو عالسريع وبمكونات بسيطه بنصحك بهالحلا الرائع ما بده اي مجهود او كركبة مواد،، ابسط من هيك ما في وراح يلزمنا تحلايه بشهر رمضان المبارك الله يبلغنا رمضان واياكم عالخير
يلااا نشوف الطريقه ….
& عملت عيار واحد عالمرتين لان ع العيار الواحد كميته قليله شوي اذا كان عندك عيله فبنصحك تعملي عيارين او اذا عيلتك صغيره ممكن تعملي عيار واحد ،،، كتبت بالمقادير مقدار عيارين
& بنضع الطحين والنشا والبكنج باودر ورشة الملح والخل ولون اصفر وبخلطهم سواا ثم بضيف الماء وبخلط لحتى يتجانس الخليط ويختفي الطحين …ممكن تحتاج ماء اكثر يعني ربع كوب بس لحتى ترخي العجينه وممكن ما تحتاج وتكتفي بالكوب حسب نوع الطحين انا اخذت معي كوب وربع ماء وبتركها ترتاح ربع ساعه
& بثقب غطا قارورة ماء صغيره باداة حاده وبكون سخنتها عالنار بثقبها بشكل دائري وبصب الخليط بالقاروره وبكون مسخنه الزيت وعالنار وسط بصب الخليط عالشكل دوائر متتاليه لحتى يتكون عندي الشكل يلي بالصور
وخلال صب الخليط بالزيت بكون شاد عالقنينه عشان ينزل بشكل مناسب وما يطلع رقيق ..وبس تاخذ لون بقلبها عالجهه الثانيه وبدها انتباه لانه عالسريع بتاخذ لون وبطلعها من الزيت وبضعها بالقطر وبقلبها لحتىى تتشرب قطر كويس بنشلها عالمصفايه ومن ثم بكمل باقي الكميه وتقدم وصحه وعافيه
القطر بكون بارد وبكون وسط لا ثقيل كثير ولا خفيف
عملت كوبين سكر عليهم كوب ونص ماء وبعد ما يغلي بضيف عصرة ليمون وبتركه يغلي لمدة 8 دقائق او لحتى يوصل للقوام المناسب
ان شاء الله تكون عجبتكم وتجربوها وتعطوني رأيكم
دمتم بكل الخير
