بسكويت بحشوة المربى
بسكويت بحشوة المربى
المقادير
- كوب ونص طحين
- نص كوب سكر بودره
- نص كوب زبده بدرجه حراره الغرفه
- بيضه
- فانيلا
- نص ملعقه صغيره بيكنج باودر
- ملعقتين كبيرتين نشا
- مربى للحشوة اي نوع بتحبي
الخطوات
بسم الله نبدأ
اول اشي نخلط الزبدة مع السكر البودره حتى يسير لونها على ابيض ..وانزل عليهم البيضه والفانيلا واخفق مع بعض ..وانزل النشا والطحين والبيكنج باودر وبعجنهن حتى تسير عنا عجينه متماسكه
على سطح املس برش شوي نشا وبفرد العجينه واقطعها بشكل دائري حبه بخليها دائريه زي ما هيه وحبه بقطعها كمان مرة من الوسط بحجم اصغر متل ما هو مبين بالصوره
لحتى تخلص كل الكميه وعلى فرن محمى مسبقاً اخليهن على درجة حراره ١٨٠ لحتى تستوي تاخد وقت من عشر دقايق ل ربع ساعه تقريبا
بس يستون اخليهن يبردن وادهن كل حبه دائريه مع حبه فاتحه من النص والزقهن مع بعض بمربى اي نوع بتحبيه وبحشي الوسط اللي خليتو فاتح بمربى
وصحه وعافيه يارب
