كيكة البرتقال بالسمسم المحمص من اطيب الكيكات ملكة التوفير

المقادير

• 3 كاسات طحين
• كاسه الاربع زيت
• كاسة سكر ممكن اكثر حسب الرغبه
• كاس عصير برتقال
• برش 3 حبات برتقال
• معلقتين بكنج باودر
• ملعقة فانيلا
• 3 بيضات
• رشة ملح
• معلقه صغير خل
• سمسم محمص

الخطوات

السلام عليكم

بسم الله الرحمان الرحيم

كيفكم صبايا ان شاء الله تكونوابخير وصحه وسلامه

اليوم كيكتنا سهله وبسيطه واقتصاديه وكلكم فنانات تبارك الله وكل وحده فيكم الها لمساتها الخاصه مع انه المواد متشابهه

كيكة البرتقال المغلفه بالسمسم المحمص تعالوا نشوف الطريقه

اول شي بنحضر جميع المواد لسهولة العمل نضع البيض السكر والزيت والفانيلا في وعاء عميق ونخفقه جيدا والبيض طبعا بدرجة حرارة الغرفه وبضيفله عصير وبرش البرتقال والخل ورشة الملح وبخفقه جيدا وببلش اضيف الطحين المنخل مع البكنج باودر بالتدريج مع الخفق المستمر حتى يتجانس الخليط انا هون طلع معي الخليط جامد شوي ضفت شوية عصير من عصير البرتقال دهنت القالب بالطحينين ورشيته بالسمسم المحمص ونزلت الخليط بالقالب وضعته بالفرن المحمى مسبقا على درجه 180م

الكيكه هون بدها ساعه الا ربع بتكون جاهزه اهم شي ما تفتحي الفرن قبل نص ساعه حتى ما تهبط الكيكه

الف صحه وعافيه

استودعتكم لله الذي لا تضيع ودائعه