تخثير اللبن بطريقة الأرياف بالبيت ملكة تحضيرات رمضان
تخثير اللبن بطريقة الأرياف بالبيت ملكة تحضيرات رمضان
تخثير اللبن بطريقة الأرياف بالبيت ملكة تحضيرات رمضان
المقادير
- خمسة كيلو حليب طازج غنم او بقر
- ملعقتين لبن
الخطوات
بسم الله الرحمن الرحيم
اليوم رح اشرح طريقة تخثير اللبن بالبيت وسر الوجه الاصفر للبن واكيد لو عملتي اللبن بالبيت رح يكون مهم بأكثر من الطبخات برمضان مثل الشيشبرك وشيخ المحشي والمنسف وحتا كصنف من اصناف وجبة السحور ورح احكي شغلة مهمة انو المي الصفرا يلي بتطلع من اللبن نجمعها ونضيف عليها لبن ونروبها بمي باردة كاسة اللبن هي بنشربها بعد الآذان مباشرة مع تمرة بتروي الانسان من العطش وكمان اللبن بيضل اسبوعين بالثلاجة مثل كانو تازة اول شي بنصفي الحليب بمصفاية ناعمة وبنحط الطنجرة عالغاز وبنتركها ثلاث دقائق وبنصب الحليب وهي حامية وهذا السر يلي بخلي وجه اللبن الاصفر المجعد وبتركو يغلي مع المراقبة وبس يبلش يغلي بنهدي عليه النار وبنتركو عشر دقائق يغلي لحتا تتبخر المي منو وبنصبو بوعاء نظيف وبنتركو يبرد يعني تكون درجة حرارتو ٤٢ بنخفق ملعقة لبن وبنصب عليها ملعقتين من الحليب ونخفقها منيح بنرفع وحه الحليب بهدوء وبنصب اللبن وبنحرك بهدو ء وبنغطيه بمصفاية وبنلفو بحرام وبنتركو خمس ساعات وبس يصير لبن بنشيل الغطا وبنتركو بحرارة المطبخ نص ساعة وبنحطوبالثلاجة وبس يبرد بنحط علية قماشة نظيفة وبنتركو يوم كامل وبعدها بناكل منو وبالصحة العافية والله يبلغنا رمضان برفع الوباء ويديم الصحة علينا
