كبة مقلية مقرمشة بحشوة الدجاج مع طريقة تفريزها ملكة تحضيرات رمضان

المقادير

• كيلو برغل ناعم أبيض
• كيلو برغل ناعم أسمر
• كيلو ونصف صدر دجاج مفروم ناعم
• 5حبات بصل مفرومة ناعم
• 6حبات بطاطا مسلوقة
• ملعقة فلفل أسود
• ملعقة بابريكا
• ملعقة بهار مشكل
• ملح حسب الرغبة
• زيت للقلي

الخطوات

السلام عليكم ورحمة الله كيفكم يااحلى صبايا

اليوم حبيت قدملكم طريقتي بتفريز وتحضير الكبة المقلية لشهر رمضان المبارك بطريقة مضمونة ومابتاخد معنا مجهود كتير بطعم رائع ومقرمش ولذيذ

1- في وعاء نضع البرغل الابيض والاسمر ومنغسلهن كتير منيح ومنصفيهم جيدا من الماء

نطحن البرغل مرتين مع حبتين بصل والبطاطا المسلوقة انا أسخدمت فرامة اللحمة لطحن البرغل

منضيف على البرغل يلي طحناه نصف كمية البهارات يلي مجهزينا والملح حسب الرغبة ونترك الباقي ع جنب لنضيفو للحشوة

ومنخلط البرغل مع باقي المكونات مع اضافة القليل من الماء ليصير عنا عجينة متماسكة مابتفرط

2- لحشوة الكبة

نضع طنجرة على النار ونضيف عليها قليل من الزيت ونضيف البصل المفروم ليذبل منضيف فوقو الدجاج المفروم ناعم ومنحرك وبعدها منضيف باقي البهارات والملح حسب الرغبة ومنحركن ليستوي عندي الدجاج منتركو ع جنب ليبرد تماماً

منكور عجينة البرغل لدوائر حسب الحجم يلي بتحبو ومنشكل حبة الكبة حسب الطريقة التقليدية او حسب الشكل يلي بتحبو ومنحشيها بالدجاج يلي حضرناه ومنسكر على الحبة كتير منيح

وبعد مانخلص كل الكمية منفردها بصواني ويكون بين كل حبة والتانية مجال يعني مانلزقهم مع بعض ونغطيهم بالنايلون ونركهم بالمجمد ليجمدو وبعدها منحطهم بأكياس التفريز ومنفرغهم من الهواء ومنسكر الكيس كتير منيح ومنحطهم بالمجمد

واثناء القلي منحمي الزيت كتير منيح ومنقلي حبات الكبة مباشر وهي مثلجة يعني مامنتركها تفقد التجمد مشان ماتخرب ويروح شكلها

ملاحظة : انا أستخدمة البرغل الابيض والأسمر مع بعض لاانو البرغل الأسمر مابيفرط

وبيمسك حبات الكبة و مابيخليها تتشقق