قشطة منزلية تصلح لجميع انواع الحلويات ملكة تحضيرات رمضان

المقادير

• خمس كاسات حليب سائل
• اربع معالق نشا

الخطوات

بسم الله الرحمن الرحيم

يسعد اوقاتكم يارب بكل خير مع اقتراب شهر رمضان الله يعيدو علينا وعليكو باليمن والخيرات والبركة حبيت اقدملكو طريقة قشطة بستفيديو منها لجميع انواع الحلوايات مثل القطايف والشعبيات والوربات والكنافة واكيد بالشهر الفضيل مابخلى بطبق حلو نتحلى بيه

اول شي بحط بطنجرة ثلاث كاسات حليب سائل انا استعملت حليب بودرة حطيت كاسة حليب بودرة وضفت عليها كاستين مي وحركتهم منيح وحطيتهن عالغاز وبس يسخن الحليب بضيف ربع فنجان خل ابيض وبحرك ونتبهو انو تضيفو الخل قبل مايغلي الحليب لو حطينا وهو عم يغلي مابيزبط مابفرط الحليب معانا وبس يغلي الحليب بتفصل القريشة عن المي وبطوف على وجه الطنجرة بغليها غلوتين وبنصفيها من المي وبتركها على جنب بحط بطنجرة كاستين حليب والنشا وبحركها عالبارد وبحطها عالغاز وبضل احرك لحتا يسمك الخليط بنضيف القريشة عليها وبنحركها على نارد هادية مدة عشر دقايق وبنصبها بصحن بنتركها تبرد شوي وكل شوي بنحركها وبس بردت بنغلفها بنايلون منشان ماتبني طبقة عالوجه وبنحطها بالثلاجة وبس بردت حطيتها بعلبة ورجعتها عالثلاجة انا بفضل نحفظها بالثلاجة لو حطيناها بالفريزة رح تفقد قوامها يعني مدة حفظها مدة اسبوع او عشر ايام حسب تبريد الثلاجة وان شالله تعجبكم وصحة وهنا