الزعتر الفلسطيني على اصوله روعه ملكة تحضيرات رمضان
الزعتر الفلسطيني على اصوله روعه ملكة تحضيرات رمضان
المقادير
- 2 كيلو زعتر اخضر
- كاستين كبار سماق
- كاستين كبار سمسم محمص
- نص كيلو قمح محمص ومطحون
- ملعقتين كزبره ناشفه مطحونه
- معلقتين شومر مطحون
- معلقتين عين جراده مطحون ناعم
- ملح حسب الرغبه
- كاسه كبيره زيت زيتون
الخطوات
بسم الله الرحمان الرحيم
السلام عليكم
كيفكم صبايا ان شاء الله الجميع بالف خيرع
اليوم وصفتنا طريقة عمل الزعتر بالبيت بطريقه سهله وسريعه ونظيفه وموفره بما انه الزعتر متوفر ورمضان على الابواب الله يبلغنا اياه ونحن في احسن حال ويرفع عنا الوباء والبلاء
تعالو نشوف هالوصفه السريعه مع بعض
بسم الله نبدأ
اول شي بنحضر الزعتر الاخضر بنفرطه بنقيه من الشوائب وبنغسله عدة مرات وبنصفيه من المي وبنوضعه على شرشف نظيف حتى يجف تماما وبنطحنه بمطحنه القهوه او اي مطحنه وبنخله حتى نتخلص من الشوائب والعيدان
بخلط الزعتر الناعم بكاسة الزيت وبفركهم كويس وبضيفلهم القمح المحمص المطحون ناعم والسماق والسمسم المحمص والبهاراتوبخلطهم كويس وبذوق طعمتهم وبضيف الملح حسب الرغبه احيانا السماق بكون مالح على حموضه ما بكثر ملح وبرد بخلطهم كويس واذا بتحبي تزيدي سماق او سمسم هذا برجعلك وهيك بتحصلي على زعتر لعمل مناقيش لسحور رمضان من افخر وانظف الانواع
ملاحظه عندك حد بتحسس من القمح بامكانك تستغني عنه او تستبدليه بالقضامه المطحونه
الف صحه وهنا
كل عام والجميع الى الله اقرب
اللهم بلغنا رمضان ونحن في احسن حال
استودعتكم لله
