شيش طاووق بطريقتي طعم ولا ألذ ملكة تحضيرات رمضان
شيش طاووق بطريقتي طعم ولا ألذ ملكة تحضيرات رمضان
شيش طاووق بطريقتي طعم ولا ألذ ملكة تحضيرات رمضان
المقادير
- كميه من صدور دجاج
- للتتبيله بنحتاج حسب كمية الدجاج :
- 2.م.ك.مايونيز
- 2.م.ك.كاتشب
- 2.م.ك.دبس رمان
- 2.م.ك.صويا صوص
- 2.م.ك.خردل
- 3.م.ك.خل او عصير ليمونه
- 4.م.ك.لبن زبادي
- 4.م.ك.زيت ذره او زيت زيتون
- 1.م.ك.ملح
- 1م.ك فلفل اسود
- 1.م.ك.كاري
- 1م.ص.بابريكا
- 1.م.ك.اريجانو او زعتر بري
- 1.م.ص بهارات دجاح
- للشوي مع الشيش بنحتاج :
- 2 حبة بندوره مقطعين قطع كبيره
- 1 راس بصل وسط مقطع قطع كبيره
- سيااخ خشب
- للتزين :
- بقدونس مفروم
- شرائح ليمون
- شرائح فجل
الخطوات
السلام عليكم ويسعد أوقاتكم بكل خير
اليوم بقدملكم وصفة الشيش طاووق بطريقتي وان شاء الله بتعجبكم طريقتها سهله وبسيطه وكثثير طيييبه ولا بّد من التجديد والتنويع بشهر رمضان المبارك عالمائدة الأفطار يلااااا نشووف الطريقه …..
& بنحتاج لصدور دجاج مخليه من العظم بنغسلها وبنصفيها وبنقطعها لقطع متوسطة الحجم وبجهز التتبيله بضع جميع المقادير سوا وبخلطهم وبضع قطع الدجاج بالتتبيله وبحركهم مزبوط لحتى تتبل جميع القطع وبتركها لعدة ساعات منقوعه بالتتبيله او قبل بيوم افضل واذا ما كان معك وقت ساعه بتكفي،، عند الشوي بندهن الصينيه بزيت ذره وبنشك الصدور بسياخ الخشب وبضع باخر كل سيخ قطعة بصل كبيره او ممكن بندوره حسب الرغبه وبوزع بالصينيه قطع بندوره وبصل وبضع ربع كوب ماء فقط وبدخلها الفرن المحمى مسبقا عالرف الاول عالحراره عاليه اول ربع ساعه وبعدين بقلب السياخ عالجهه الثانيه وبوطي النار للوسط اخذت معي وقت تقريبا ساعه وكان الشيش مستوي وذايب ..(اذا نشفت الماء عنه وما كان مستوي بنضيفله ربع كوب ماء ساخن او حسب ما يستوي معكم ) وبنضل كل فتره نقلبه عالجهه الثانيه ولما يستوي بنحمره عالجهتين وهيك بكون جاهز
& (ممكن اعطائه نكهة الشوي من خلال وضع فحمه مولعه بقصديره او ببصله واضافة نقطين زيت عليها وتغطية الصينيه فورا بطلع مثل المشوي عالفحم )
& بقدمه مع بقدونس مفروم بفرشه بالجاط يلي بدي اقدم فيه وبزينه بشرائح ليمون وشرائح فجل وطبعا التزين حسب الرغبه …عملت بجنبه دوالي وكوسا وقدمته مع اللبن …وصحه وعافيه مقدما
&خيارات التقديم لوجبة افطار برمضان : ممكن تقديمه بجانب الارز المفلفل مع الخضار او الساده او بجانب الفريكه او بجانب البرغل ببندوره.او بجانب البطاطا المقليه والسلطه …ان شاء الله الطريقه بتعجبكم وبتجربوها وبتحبوها …
دمتم بكل الخير
