بروستد أو كنتاكي ملكة تجهيزات رمضان
بروستد أو كنتاكي ملكة تجهيزات رمضان
المقادير
- دجاجة كاملة
- بصلة مفرومة
- 5اسنان ثوم مفروم
- 5ملاعق خل
- فلفل كمون وكاري وببركة وملح
- نصف كوب قرشلة
- كوبين طحين
الخطوات
السلام عليكم ورحمه الله وبركاته
الدجاج المقلي وياعيني اذا كانت شغل بيت نضافه وقطافه
معضمنا نحن وولادنا بنحب البروستد والأكل الجاهز وبهل ايام صرنا نخاف من الكورونا وغيرها
ليش ما نعمل هل أكلات ببيتنا واكيد ضامنين نضافتها
الطريقه كاملة بالتفصيل عندي والطعم ما بيفرق عن الجاهز
اول شي بنقطع الدجاجة ل8قطع مع الجلد
بدون نزع حتى ما تنشف مع القلي
بعدين بنغسلها وبنضيف البهارات والملح الخل والبصل والثوم وبنتركهم بالبراد لمدة ساعتين
وبعدها بنجهز وعاء فيه ماء
ووعاء آخر فيه الطحين والقرشلة والملح والبيكربونات نص ملعقه اختياري
بنغمس قطعه الدجاج بالطحين وتغميسه سريعه بالمي ومرة ثانيه بالطحين وع الزيت الحامي مباشراً بس الكميه يلي بتكفي بالزيت الباقي ما بنغمسو وبنتركو حتى يصير دورو بس الكميه النزل الاول بنحدد وقت 17دقيقه بالزيت لا اكثر ولا اقل وبخرج الدجاج بعد مرور دقيقه نخفف النار على الوسط حتى انتهاء المده وكل 5دقايق بنقابة وهيك بكون جاهز وصحة وعافية
ان شاء الله تكون عجبتكم وصفتي لليوم
الطريقه اخذتها من شيف مو من أي حدا ثاني يعني مضمونه ميه بالميه
والطريقة كاملة بقناتي بحبكم كتير https://youtu.be/vJC0pSVByAI
